الماتىدا فارماسيەۆتەر قۇرامىندا ەسىرتكىسى بار دارىلەردى رەسەپتسىز ساتقان

الماتىدا فارماسيەۆتەر قۇرامىندا ەسىرتكىسى بار دارىلەردى رەسەپتسىز ساتقان.

ءدارىحانا ناشاقورلىعىمەن تەك پوليسيا قىزمەتكەرلەرى عانا ەمەس، ءدارىحانا ەسىرتكىلەرىن ساتاتىن ورىندار جايلى بەلگى بەرىپ وتىرعان الماتى تۇرعىندارى دا بەلسەندى تۇردە كۇرەسۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«حابار تۇسكەننەن كەيىن ءبىزدىڭ بولىمشەنىڭ قىزمەتكەرلەرى اۋەزوۆ اۋداندىق پب-عا قاراستى پب-نىڭ ارىپتەستەرىمەن بىرلەسىپ جۇرگىزگەن جەدەل ءىس-شارالار بارىسىندا تروپيكاميد پرەپاراتىن رەسەپتسىز ساتۋ دەرەگى انىقتالدى. 48 جاستاعى ي. ەسىمدى ازامات جانە وسى ءدارىحانانىڭ فارماسيەۆتى ۇستالدى. ال قالانىڭ جەتىسۋ اۋدانىندا الدىن الۋ شارالارى اياسىندا ءدارىحانا ەسىرتكىسىن ساتۋدىڭ تاعى ءبىر دەرەگى انىقتالدى. مۇندا 43 جاستاعى الاتاۋ اۋدانىنىڭ تۇرعىنى ش. ەسىمدى ازامات ۇستالدى. "اينابۇلاق" ىقشاماۋدانىندا ورنالاسقان ءدارىحانانىڭ فارماسيەۆتى رەسەپتسىز 3 دانا كولەمىندەگى SAMNOL پرەپاراتىن بەرگەن»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

سپيكەردىڭ ايتۋىنشا، ساتۋشىلار مەن ساتىپ الۋشىلار جاۋاپكەرشىلىككە تارتىلدى. دارىلىك زاتتاردى رەسەپتسىز ساتۋ دەرەگى ق ر اقبتك-نىڭ 426-بابى بويىنشا تىركەلدى.

قۇرامىندا ەسىرتكىسى بار پرەپاراتتاردى زاڭسىز ساتۋ جانە رەسەپتسىز ساتۋ دەرەكتەرىن انىقتاۋ بويىنشا تۇراقتى تۇردە رەيدتەر جۇرگىزىلىپ جاتقانىن اتاپ وتكىم كەلەدى. ءقازىر مۇنداي دارىلەردى تاراتقانى ءۇشىن جاۋاپكەرشىلىكتى كۇشەيتۋ بويىنشا ءبىرقاتار ۇسىنىستار ازىرلەنۋدە، – دەدى الماعامبەتوۆ.