استانادا قارۋلى كۇشتەر ۇلتتىق اسكەري-پاتريوتتىق ورتالىعىنىڭ ورتالىق ءانسامبلى ۇيىمداستىرعان «سارباز ساحناسى» شىعارماشىلىق ۇجىمدارى بۇكىلارميالىق فەستيۆالىنىڭ گران-پري يەگەرى مەن لاۋرەاتتارىن ماراپاتتاۋ ءراسىمى ءوتتى، دەپ حابارلايدى اlmaty-akshamy.kz.
2019 جىلدان بەرى وتكىزىلىپ كەلە جاتقان بايقاۋعا 60-تان استام ءوتىنىم ءتۇسىپ، ونىڭ ىشىنەن 45 ءنومىر ىرىكتەلدى. قاتىسۋشىلاردىڭ شەبەرلىگى جەكە ورىنداۋ، اسپاپتىق، ۇرمەلى جانە فولكلورلىق انسامبلدەردىڭ، جەكە جانە توپتىق بي نومىرلەرىنىڭ، سونداي-اق فوتوسۋرەتتەر، كارتينالار، پانەلدەر جانە حالىقتىق قولونەر جۇمىستارى بويىنشا باعالاندى.
«سارباز ساحناسى» بۇكىلارميالىق فەستيۆالىنىڭ باس جۇلدەسىن قۇرامىندا ماقسات راحييەۆ، جانبولات ءشارىپوۆ، ساياحات تۇرلىبەكوۆ، بەكبولات توكەن («شىعىس» وڭىرلىك قولباسشىلىعى) بار «الاش» كۆارتەتى جەڭىپ الدى. سىيلىقتى ولارعا قورعانىس ءمينيسترىنىڭ ورىنباسارى دارحان احمەدييەۆ تابىس ەتتى.
ۆوكالدىق ورىنداۋدا كىشى سەرجانت ەرلان ءاشىموۆ (85395 اسكەري ءبولىمى) ۇزدىك دەپ تانىلدى. قارۋلى كۇشتەردىڭ قىزمەتكەرى ايسان عابيدوللايەۆ (63310 اسكەري ءبولىمى) ەكىنشى ورىندى يەلەندى، ءۇشىنشى ورىن قارۋلى كۇشتەردىڭ قىزمەتكەرى ەربول قۋانبەكتىڭ (61993 اسكەري ءبولىمى) ەنشىسىندە.
«اسپاپتىق انسامبلدەر» نوميناسياسىندا «جاڭا عاسىر» فولكلورلىق ءانسامبلى («شىعىس» ءوڭق) جەڭىسكە جەتتى. ەكىنشى ورىن باتىرحان شۇكەنوۆتىڭ «وتان انا» ءانىن ورىنداعان ساكسوفونشى قاتارداعى جاۋىنگەر قۋانىش نازىپبەككە (75263 اسكەري ءبولىمى) بۇيىردى. ءۇشىنشى ورىن «اكە تولعاۋى» انىمەن ونەر كورسەتكەن دومبىراشى اعا سەرجانت نۇرجان ماحانوۆقا (قۇرلىق اسكەرلەرىنىڭ اسكەري ينستيتۋتى) بەرىلدى.
بي ونەرىندە «اسكەري ارۋلار» توبى (61993 اسكەري ءبولىمى) ەرەكشەلەندى. ەكىنشى ورىن «امانات» بيشىلەرىنە (32355 اسكەري ءبولىمى) بۇيىردى. ال ءۇشىنشى ورىن «اسۋ» بي توبىنا (03858 اسكەري ءبولىمى) بەرىلدى.
قازىلار القاسى اتاقتى قولباسشىلار باۋىرجان مومىش ۇلى مەن يۆان پانفيلوۆتىڭ پورترەتتەرىن ۇسىنعان ەفرەيتور ماكسيم سۆيريدوۆتىڭ (18404 اسكەري ءبولىمى) جۇمىسىن ۇزدىك دەپ تانىدى. ەكىنشى ورىندا قارۋلى كۇشتەردىڭ قىزمەتكەرى اينۇر اسقار قىزى (32355 اسكەري ءبولىمى). ول قازىلار القاسىن ستيلدەندىرىلگەن ۇلتتىق باس كيىمدەرمەن جانە باسقا دا ساندىك-قولدانبالى قولونەر زاتتارىمەن تاڭ قالدىردى. ءۇشىنشى ورىن قۇرلىق اسكەرلەرى اسكەري ينستيتۋتىنىڭ كۋرسانتى امىرە تەلەۋوۆكە بۇيىردى. ول 2019 جىلدان 2022 جىلعا دەيىن اسكەري ينستيتۋتتى باسقارعان گەنەرال-مايور دۋلات ادىربەكوۆتىڭ پورترەتىن مايلى بوياۋمەن سالعان.
قارۋلى كۇشتەردىڭ قىزمەتكەرى ايدانا ساتىبايەۆا (61993 اسكەري ءبولىمى) «كورەرمەن كوزايىمى» سىيلىعىنا يە بولدى. تولەگەن مۇحامەدجانوۆتىڭ «وتانىم» پاتريوتتىق ءانىن ۇزدىك ورىنداعانى ءۇشىن قارۋلى كۇشتەردىڭ قىزمەتكەرى قانات ماۋلەن (قۇرلىق اسكەرلەرىنىڭ اسكەري ينستيتۋتى) ماراپاتتالدى. قازىلار القاسى قۇرامىندا قارۋلى كۇشتەردىڭ قىزمەتكەرلەرى ءىلياس بايبوسىنوۆ، مۇسا ساپارالييەۆ، ايدوس بەگىم جانە جازىلبەك سىرىم (61993 اسكەري ءبولىمى) بار «دەسانت» كۆارتەتىن اۆتورلىق ءان ورىنداۋشىلار جۇلدەسىمەن ماراپاتتادى.
«ورلەۋ» فولكلورلىق كۋرسانتتار ءانسامبلىنىڭ (راديوەلەكترونيكا جانە بايلانىس اسكەري-ينجەنەرلىك ينستيتۋتى) ونەرى كوتەرمەلەۋ جۇلدەسىمەن ماراپاتتالدى. قازىلار القاسى، سونداي-اق 3-سىنىپتى سەرجانت ازامات امانتۇروۆتى (91678 اسكەري ءبولىمى) ۇزدىك ورىنداۋشى دەپ تانىدى.
«سارباز ساحناسى» بۇكىلارميالىق فەستيۆالى قازىلار القاسىنىڭ ءتوراعاسى پولكوۆنيك دانيار قۇدايبەرگەنوۆ اتاپ وتكەندەي، قاتىسۋشىلاردىڭ ونەرىن باعالاۋ كەزىندە ورىنداۋشىلىق مادەنيەت، ۆوكالدىق جانە ينتوناسيالىق داعدىلار، مۋزىكالىق اسپاپتى ورىنداۋ تەحنيكاسىن مەڭگەرۋ دەڭگەيى جانە باسقا دا ولشەمدەر نازارعا الىندى.
ءىس-شارا فەستيۆال جەڭىمپازدارىنىڭ قاتىسۋىمەن وتكەن گالا-كونسەرتپەن اياقتالدى.