الماتى اكىمى ەربولات دوسايەۆ جۇمىس ساپارى بارىسىندا بوستاندىق اۋدانىنداعى بالالارعا شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ ءبولىمى جاڭا كورپۋسىنىڭ قۇرىلىس الاڭىنا باردى، دەپ حابارلايدى Almaty-akshamy.kz
قۇرىلىس-مونتاج جۇمىستارىنىڭ قارقىنىنا نازار اۋدارىلدى. ايتا كەتەرلىگى، 2021 جىلدىڭ تامىزىندا باستالعان جوبا مەردىگەر ۇيىمنىڭ بەلگىلەنگەن جۇمىستى ورىنداماۋى سەبەبىنەن بۇگىنگى كۇنگە دەيىن اياقتالعان جوق. بەلگىلەنگەن مەرزىمدەردى بۇزعانى ءۇشىن كومپانياعا قاتىستى سوتقا تالاپ ارىز بەرىلدى. ماسەلەن، سوت شەشىمىمەن اعىمداعى جىلدىڭ شىلدە ايىندا «اق وردا كورپوراسياسى» ج ش س مەملەكەتتىك ساتىپ الۋدىڭ جوسىقسىز قاتىسۋشىسى بولىپ تانىلدى، مەملەكەت بيۋدجەتىنە 12،3 ملن تەڭگەدەن استام سومادا تۇراقسىزدىق ايىبى ءوندىرىلدى.
قالا باسشىسى وسى جىلدىڭ شىلدە ايىندا اۋماقتى ارالاۋ كەزىندە بەرىلگەن ەسكەرتۋلەردىڭ جويىلۋىن تەكسەردى. بۇگىنگى تاڭدا نىساندا 90-عا جۋىق ادام جۇمىس ىستەيدى. عيمارات قۇرىلىمى، شاتىر، سىرتقى قابىرعالار مەن بولىمدەردى قالاۋ، تەرەزە بلوكتارى جانە ىشكى ارلەۋ جۇمىستارى اياقتالدى. ينجەنەرلىك كوممۋنيكاسيالار، ليفتىلەردى ورناتۋ، قاسبەت، ارلەۋ، اباتتاندىرۋ جۇمىستارى جالعاسۋدا. ەربولات دوسايەۆ قۇرىلىس-مونتاج جۇمىستارىن اعىمداعى جىلدىڭ جەلتوقسان ايىنا دەيىن اياقتاۋدى تاپسىردى. بۇدان ءارى قازىرگى ۋاقىتتا ساتىپ الىنعان جانە قويمالاردا ورنالاسقان جابدىق ورناتىلادى.
بۇگىنگى تاڭدا ورتالىق جىلىنا 110 مىڭنان استام بالاعا امبۋلاتوريالىق-دياگنوستيكالىق تەكسەرۋ بويىنشا قىزمەت كورسەتەدى. تاۋلىگىنە قابىلداۋ بولىمىنە 350-دەن استام پاسيەنت جۇگىنەدى. كلينيكانىڭ قابىلداۋ ءبولىمىنىڭ شاعىن ءارى ەسكى جوسپارمەن جاسالعانى، ونىڭ ۇستىنە جۇكتەمەنىڭ ءوسۋى پاسيەنتتەردىڭ اعىنىن رەتتەۋدىڭ ترياج - جۇيەسىن ەنگىزۋگە مۇمكىندىك بەرمەيدى. ءوز كەزەگىندە، وپەراسيالىق بولگى بار قابىلداۋ ءبولىمىنىڭ جاڭا ءۇش قاباتتى كورپۋسى مۇندا كەلگەن بالالاردى قابىلداۋ مەن ءبولۋدىڭ جەدەلدىگىن، سونداي – اق جالپى-شۇعىل مەديسينالىق كومەك كورسەتۋ ساپاسىن ارتتىرۋعا مۇمكىندىك بەرەدى. ايتا كەتەرلىگى،قابىلداۋ ءبولىمىنىڭ كورپۋسى اۋرۋحانانىڭ بۇرىننان بار ءبىر قاباتتى جاياۋ جۇرگىنشىلەر گالەرەياسىمەن بايلانىسا الادى.
الماتى اكىمى قۇرىلىس - مونتاج جۇمىستارىن پاسيەنتتەردىڭ قاۋىپسىزدىگى مەن جايلىلىعىنىڭ بارلىق تالاپتارىنا سايكەستىگىن ەسكەرە وتىرىپ جۇرگىزۋ قاجەتتىگىنە نازار اۋداردى: اتاپ ايتقاندا، قالا باسشىسى پلاستيكالىق ەسىكتەرگە، قوزعالۋعا ىڭعايلى بولۋ ءۇشىن تاقتايشالاردىڭ بولماۋىنا، باسپالداقتاردا سىرعاناۋعا قارسى جابىننىڭ بولۋىنا نازار اۋداردى. ەربولات دوسايەۆ ينفراقۇرىلىم ينكليۋزيانى ەسكەرە وتىرىپ سالىنۋى جانە قازىرگى زامانعى مەديسينانىڭ جوعارى ستاندارتتارىنا سايكەس كەلۋى ءتيىس ەكەنىن اتاپ ءوتتى. مۇمكىندىكتەرى شەكتەۋلى ازاماتتاردىڭ توپتارى ءۇشىن كورپۋستا پاندۋستار جانە تاكتيلدى تاقتايشالاردان تراسسالاۋ كوزدەلەتىن بولادى.
جالپى، بوستاندىق اۋدانىندا مەديسينالىق مەكەمەلەرگە جۇكتەمەنى ازايتۋ ءۇشىن اعىمداعى جىلى 5 دەنساۋلىق ساقتاۋ نىسانىن سالۋ، رەكونسترۋكسيالاۋ جانە كۇردەلى جوندەۋ جوسپارلانعان.