FlyArystan جانە AirAstana اۋە كومپانيالارى جولاۋشىلارعا اۋا رايىنىڭ قولايسىزدىعىنا بايلانىستى ءبىرقاتار رەيستىڭ توقتاتىلاتىنى تۋرالى حابارلاما جاسادى، - دەپ حابارلايدى
FlyArystan اۋا رايىنىڭ قولايسىزدىعىنا جانە ورال اۋەجايىنىڭ ۇشۋ-قونۋ جولاعىنداعى ۇيكەلىس كوەففيسيەنتىنىڭ ناشارلاۋىنا بايلانىستى مىنا رەيستەردى توقتاتادى.Almaty-akshamy.kz.
- KC7365 استانا - ورال؛
- كس7366 ورال - استانا؛
- KC7165 الماتى - ورال؛
- كس7166 ورال - الماتى.
"توقتاتىلعان رەيستەردىڭ جولاۋشىلارىنا سۇرانىس بويىنشا كەلەسى قىزمەتتەر كورسەتىلەدى: سۋسىندار، تاماقتانۋ، تۇرۋ، ترانسفەر. بارلىق جولاۋشىعا تەگىن قايتا برونداۋ مۇمكىن نەمەسە اقشاسى تولىق قايتارىلادى"، - دەلىنگەن حابارلامادا.
جولاۋشىلارعا FlyArystan قولدانباسىندا جانە flyarystan.com سايتىندا تىكەلەي چات ارقىلى، 8 702 702 02 27 WhatsApp مەسسەندجەرى جانە 8 727 331-10-10 بايلانىس ورتالىعى ارقىلى قولداۋ كورسەتىلەدى.
23 قاراشادا "ەير استانا" ورال - فرانكفۋرت - ورال جانە ورال - استانا باعىتتارى بويىنشا رەيستەردى، سونداي-اق الماتىدان ورالعا جانە كەرى رەيستەردى توقتاتتى.
وعان دا اۋا رايىنىڭ قولايسىزدىعى مەن اۋەجايدىڭ ۇشۋ-قونۋ جولاعىنداعى ۇيكەلىس كوەففيسيەنتىنىڭ ناشارلاۋى سەبەپ بولدى.
"توقتاتىلعان رەيستەردىڭ جولاۋشىلارىنا تاماق، تەگىن قايتا برونداۋ نەمەسە بيلەتتى قايتارۋ قامتاماسىز ەتىلدى. ورالدان استاناعا ۇشاتىندار جاتىن ورىنمەن، تاماقپەن جانە ترانسفەرمەن قامتاماسىز ەتىلدى"، - دەپ حابارلادى اۋە كومپانياسى.