ماگيسترلار باكالاۆرلاردان 35%-عا ارتىق تابىس تابادى.
قازاقستاندىق ساراپشلار ارنايى جۇرگىزگەن زەرتتەۋ ناتيجەسىندە ماگيستراتۋرا تۇلەكتەرى باكالاۆريات تۇلەكتەرىنەن ورتا ەسەپپەن 35%-عا كوپ تابىس تاباتىنىن انىقتادى، دەپ حابارلايدى Almaty-akshamy.kz.
««ەڭبەك رەسۋرستارىن دامىتۋ ورتالىعى» اق (بۇدان ءارى – «ەردو» اق) ساراپشىلارى 2017 جىلعى تۇلەكتەردىڭ زەينەتاقى اۋدارىمدارىنىڭ مولشەرى بويىنشا زەرتتەۋ جۇرگىزدى. ونىڭ بارىسىندا وقۋدى اياقتاعاننان كەيىن ءۇش جىلدان كەيىن ماگيستراتۋرا تۇلەكتەرى باكالاۆريات تۇلەكتەرىنەن ورتا ەسەپپەن 35%-عا كوپ تابىس تاباتىنىن، ال ەڭ جوعارى جالاقىنى ىسكەرلىك اكىمشىلەندىرۋ ماگيسترلەرى الاتىنىن انىقتادى»،– دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
زەرتتەۋلەر ق ر ءبىلىم جانە عىلىم مينيسترلىگىنىڭ 2017 جىلعى 120 مىڭ تۇلەك تۋرالى اقپاراتى نەگىزىندە جۇرگىزىلدى، ول 2018 جىلى ۋنيۆەرسيتەتتەردىڭ رەيتينگتەرىن جاساۋ ءۇشىن، سونداي-اق ولاردىڭ تالدانىپ وتىرعان كەزەڭدەگى زەينەتاقى جارنالارىن ەسكەرە وتىرىپ پايدالانىلدى.
«تۇلەكتەردىڭ جالپى سانىنان 105،4 مىڭ ادام باكالاۆرياتتى، ونىڭ ىشىندە 77،5 مىڭى كۇندىزگى وقۋ نىسانىن، 13،8 مىڭى ماگيستراتۋرانى، 858 ادام رەزيدەنتۋرانى جانە دوكتورانتۋرانى اياقتادى. اعىمداعى جىلدىڭ تامىز ايىنداعى جاعداي بويىنشا، تۇلەكتەردىڭ جالپى سانىنان 286 ادام قايتىس بولدى، ال 773ء-ى قازاقستاننان كەتكەن بولىپ سانالادى»، – دەپ حابارلادى ەردو بولجامداۋ دەپارتامەنتىنىڭ ديرەكتورى دميتريي شۋمەكوۆ.
تالداۋشى وقۋشىلاردىڭ كوپشىلىگى ءبىتىرۋ كەزىندە جۇمىس ىستەپ ۇلگەرگەنىن اتاپ ءوتتى. ماسەلەن، 2016 جىلى باكالاۆرياتتىڭ بولاشاق تۇلەكتەرىنىڭ 44،3 مىڭىندا (42%) زەينەتاقى جارنالارى بولدى، ال ماگيسترلەر اراسىندا 8،8 مىڭ ادامدا (63،8%) اۋدارىمدار بولدى.
«وسىلايشا، 53،7 مىڭ ادامدا (44،8%) وقۋ اياقتالاردان ءبىر جىل بۇرىن رەسمي جۇمىس تاجىريبەسى بولدى. 2017 جىلى بۇل سان 78،4 مىڭ ادامعا (65،3%)، ال 2018 جىلى 87،8 مىڭ ادامعا (73%) دەيىن ءوستى. 2017-2020 جىلدارى 104،9 مىڭ ادامدا نەمەسە تۇلەكتەردىڭ 87%-ىندا وقۋ اياقتالعاننان كەيىن كەمىندە ءبىر رەت رەسمي زەينەتاقى اۋدارىمدارى بولعان»، – دەدى دميتريي شۋمەكوۆ.