قىزىلورداداعى قورقىت اتا اتىنداعى ۋنيۆەرسيتەتتىڭ عالىمدارى ەۋروپالىق وداق گرانتىن جەڭىپ الىپ، شەتەلدىك ارىپتەستەرىمەن بىرگە ءدارى جاساۋعا قاتىسادى.
قازاقستاندىق عالىمدار السگەيمەر جانە پاركينسون اۋرۋلارىنا قارسى ءدارى جاساپ جاتىر، دەپ حابارلايدى Almaty-akshamy.kz
ق ر ءبىلىم جانە عىلىم مينيسترلىگىنىڭ مالىمەتىنشە، ەلىمىزدىڭ عالىمدارى پورتۋگاليا، نيدەرلاندى، دانيا، رەسەي، بەلارۋس جانە ۋكراينا عالىمدارىمەن بىرلەسىپ، ازىرلەۋشىلەر توبىنا كىردى.
دارىلىك پرەپاراتتى دايىنداۋ ءۇشىن قازاقستاننىڭ وڭتۇستىك ايماقتارىندا وسەتىن تۇيە تىكەنەگى پايدالانىلادى. وتاندىق زەرتتەۋشىلەر وسىمدىكتەن اتەروسكلەروزدىڭ باستاپقى فورمالارىن ەمدەۋدە ءتيىمدى بيولوگيالىق بەلسەندى زاتتاردى الدى.
«ءبىز دارىلىك وسىمدىك – تۇيە تىكەنەگىنە زەرتتەۋ جۇرگىزۋ ءۇشىن ءبىلىم جانە عىلىم مينيسترلىگى عىلىم كوميتەتىنىڭ گرانتىن الدىق. سودان كەيىن ءبىز ونىڭ قۇندى قاسيەتتەرىن انىقتادىق. ءبىز ءوزىمىز اشقان جاڭالىقتى پورتۋگاليادا تانىستىردىق. ولار ءبىزدىڭ عىلىمي ازىرلەمەلەرىمىزگە قىزىعۋشىلىق تانىتىپ، ىنتىماقتاستىق ۇسىندى. جوبانى ورىنداۋ كەزىندە فلاۆونويدتاردىڭ سۋدا ەريتىن فورمالارىن الامىز، ولاردى كومىرتەكتى نانوماتەريالدارمەن موديفيكاسيالايمىز. شەتەلدىك عالىمدار جەدەل تەست وتكىزىپ، ءبىز انىقتاعان نانوماتەريالدار السگەيمەر جانە پاركينسون اۋرۋلارىنىڭ دامۋىنا كەدەرگى كەلتىرەتىنىن جانە پاسيەنتتەردى اۋرۋدىڭ العاشقى كەزەڭدەرىندە ەمدەۋگە كومەكتەسەتىنىن راستادى. سونىمەن قاتار تۇيە تىكەنەگىنەن الىنعان موديفيكاسيالانعان بيولوگيالىق بەلسەندى زاتتاردىڭ جاناما اسەرلەرى جوق جانە ادام دەنساۋلىعى ءۇشىن ءقاۋىپسىز بولىپ تانىلدى»، – دەدى قورقىت اتا اتىنداعى قىزىلوردا ۋنيۆەرسيتەتىنىڭ زەرتتەۋشى-پروفەسسورى نۇربول اپپازوۆ.