باكالاۆريات تۇلەكتەرىنىڭ اراسىندا ەڭ جوعارى جالاقى ۇشقىشتاردا بولماق

ۇشقىشتاردىڭ ەڭبەكتەرى باعالانادى

قازاقستاندا ۇشۋ اپپاراتتارىن جاساۋ جانە ونى پايدالانۋ باعىتىن بىتىرگەن تۇلەكتەر 1 ملن تەڭگەدەن استام جالاقى الادى. بۇل تۋرالى «ەڭبەك رەسۋرستارىن دامىتۋ ورتالىعىنىڭ» ساراپشىلارى مالىمدەدى، دەپ حابارلايدى Almaty-akshamy.kz 

- بۇل باكالاۆريات تۇلەكتەرىنىڭ اراسىنداعى ەڭ جوعارى جالاقى، - دەيدى «ەڭبەك رەسۋرستارىن دامىتۋ ورتالىعىنىڭ» ساراپشىلارى.

«باكالاۆريات تۇلەكتەرىنىڭ اراسىندا ناقتى ماماندىقتار بويىنشا ەڭ جوعارى جالاقىنى «5ۆ074300 ۇشۋ اپپاراتتارى مەن قوزعالتقىشتارىن ۇشۋدا پايدالانۋ» باعىتىن بىتىرگەن تۇلەكتەر الادى – 1 ملن تەڭگەدەن استام.

سونىمەن قاتار، «5B070800 مۇناي-گاز ءىسى» (338،4 مىڭ تەڭگە)، «5ۆ071500 تەڭىز تەحنيكاسى جانە تەحنولوگيالارى» (298،7 مىڭ)، «5B070700 تاۋ-كەن ءىسى» (276،1 مىڭ)، «5ۆ070600 گەولوگيا جانە پايدالى قازبالار كەن ورىندارىن بارلاۋ» (257،4 مىڭ)، «5B100200 اقپاراتتىق تەحنولوگيالار جۇيەسى» (268،5 مىڭ) ماماندىقتارى بار. ماگيسترلەرگە كەلەتىن بولساق، ەڭ جوعارى جالاقى – «6م052000 ىسكەرلىك اكىمشىلىك» (614،8 مىڭ تەڭگە)، «6م051400 قوعاممەن بايلانىس» (500،7 مىڭ تەڭگە)، «6م070700 تاۋ-كەن ءىسى» (391،6 مىڭ)، «6م070800 مۇناي-گاز ءىسى» (386 مىڭ تەڭگە)، «6M070400 ەسەپتەۋ تەحنيكاسى جانە باعدارلامالىق قامتاماسىز ەتۋ» (374،7 مىڭ تەڭگە) بويىنشا وقۋدى اياقتاعانداردىڭ ۇلەسىندە.