جۇمىسشى جوندەۋ كەزىندە جاراقات الىپ، سونىڭ كەسىرىنەن كوز جۇمعان.
قاراعاندى وبلىسىنداعى «ساران» شاحتاسىنىڭ 43 جاستاعى كەنشىسى قۇرىلعىنى مونتاجداۋ كەزىندە اۋىر جاراقات الىپ، سالدارىنان قايتىس بولعان، دەپ حابارلايدى Almaty-akshamy.kz «Qarmet»ء-تىڭ باسپا ءسوز قىزمەتىنە سىلتەمە جاساپ.
قايعىلى وقيعا 12 ناۋرىز كۇنى تۇندە كومپانيانىڭ كومىر دەپارتامەنتىنە قاراستى "ساران" شاحتاسىندا مونتاجداۋ جۇمىسىنىڭ ارنايى جابدىقتى جوندەۋ كەزىندە بولعان. 1980 جىلى تۋعان تاۋ-كەن جۇمىسشىسى جاراقات الىپ، سونىڭ سالدارىنان كوز جۇمدى.
"جۇمىس ZY7200-13/30 سەكسياسىن قۇراستىرۋ جانە مونتاجداۋ جونىندەگى جوباسىنا سايكەس بولدى، ول كەزدە قاۋىپسىزدىك تەحنيكاسى بويىنشا مىندەتتى نۇسقاۋ بەرىلگەن. بولعان جازاتايىم وقيعانىڭ سەبەبىن انىقتاۋ ءۇشىن ارنايى كوميسسيا جۇمىس جۇرگىزەدى. الدىن الا مالىمەتتەر بويىنشا، جابدىقتى بەكىتۋ بولتى ءۇزىلىپ كەتكەن"، - دەپ مالىمدەدى كومپانيانىڭ باسپا ءسوز قىزمەتى.
"Qarmet" اق وكىلدەرى مارقۇمنىڭ تۋىستارى مەن جاقىندارىنا كوڭىل ايتادى.