ۇكىمەت وتىرىسىندا پرەمەر-مينيستر ولجاس بەكتەنوۆ ەكولوگيا جانە تابيعي رەسۋرستار ءمينيسترى ەرلان نىسانبايەۆتىڭ مالىمەتىنە كۇمان كەلتىردى، دەپ حابارلايدى Almaty-akshamy.kz.
«مەنىڭ سۇراعىم بار. ماعان الدىن الا بەرىلگەن اقپاراتقا سايكەس، 35 جاڭا زاۋىت سالىنادى دەپ ەدى، ال ءسىز بايانداماڭىزدا 37 جاڭا زاۋىت سالىنادى دەپ ايتتىڭىز. تاعى 2 زاۋىت قايدان قوسىلدى»؟ - دەپ سۇرادى پرەمەر-مينيستر نىسانبايەۆتان.
ەكولوگيا جانە تابيعي رەسۋرستار ءمينيسترى ەرلان نىسانبايەۆ تاعى ەكى زاۋىتتىڭ استانا قالاسىنان قوسىلىپ وتىرعانىن ايتتى.
«تاعى ەكەۋى استانا قالاسىنان قوسىلدى. كەشىرىم سۇرايمىن، كەشە بايانداماعا قوستى. وتكەن اپتادا پرەزەنتاسياعا الدىن الا بەرىپ قويعانبىز»، - دەدى ەكولوگيا ءمينيسترى.
پرەمەر-مينيستر ولجاس بەكتەنوۆ "37 جوبا بۇل ىسكە قوسىلاتىن ناقتى جوبالار ما؟" دەپ سۇراعىن ناقتىلادى.
«ءسىز تاپسىرما بەرگەننەن كەيىن وسى جوبالاردىڭ ءبارىن كۇندەلىكتى ءار اكىمدىكتەن جاۋاپتى اكىمنىڭ ورىنباسارى مەن وڭىردەگى باسقارمالاردىڭ قىزمەتكەرلەرىمەن بىرلەسە وتىرىپ، ءار جوبانى قارادى. ولاردى ىسكە اسىرۋعا دەڭگەيى جوعارى»، - دەپ جاۋاپ بەردى ەكولوگيا جانە تابيعي رەسۋرستار ءمينيسترى.