پرەزيدەنت قاسىم-جومارت توقايەۆ مامس-كە وزگەرىستەر ەنگىزۋ تۋرالى زاڭعا قول قويدى، - دەپ حابارلايدى اqshamnews.kz.
"مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە مىندەتتى الەۋمەتتىك مەديسينالىق ساقتاندىرۋ جانە مەديسينالىق قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى"، - دەلىنگەن حابارلامادا.
زاڭ دەنساۋلىق ساقتاۋ جۇيەسىن جاقسارتۋعا باعىتتالعان ءبىرقاتار ماڭىزدى وزگەرتىستەردى كوزدەيدى. ولاردىڭ قاتارىندا:
- مەديسينالىق كومەكتىڭ قولجەتىمدىلىگى مەن ساپاسىن ارتتىرۋ؛
- مەديسينالىق قىزمەت كورسەتۋدىڭ تيىمدىلىگىن ارتتىرۋ جانە ۇيلەستىرۋدى كۇشەيتۋ ماقساتىندا ءبىرىڭعاي مەديسينالىق قىزمەتتەر توپتاماسىن قالىپتاستىرۋ؛
- حالىقتى مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىمەن قامتۋدى كەڭەيتۋ؛
- ازاماتتاردىڭ، جۇمىس بەرۋشىلەردىڭ جانە مەملەكەتتىڭ بىرلەسكەن قاتىسۋى ەسەبىنەن دەنساۋلىق ساقتاۋ جۇيەسىنىڭ قارجىلىق تۇراقتىلىعىن قامتاماسىز ەتۋ؛
- اۋرۋلاردىڭ الدىن الۋدى جانە ەرتە دياگنوستيكا جاساۋدى جەتىلدىرۋ ارقىلى ەمدەۋ اۋىرتپالىعى مەن قۇنىن ازايتۋ؛
- مەديسينالىق ۇيىمداردى ساپالى ءارى ءتيىمدى قىزمەت كورسەتۋگە ىنتالاندىرۋ؛
- مەديسينالىق كومەكتى قارجىلاندىرۋ سالاسىندا اشىقتىق پەن ەسەپتىلىك مەحانيزمدەرىن ەنگىزۋ.