شىعىس قازاقستان وبلىسىنداعى ەجەلگى ساق قورىمدارىنان تابىلعان التىن ارتەفاكتار ۇلىبريتانيانىڭ كەمبريدج قالاسىندا ورنالاسقان فيسۋيليام مۋزەيىندە كورسەتىلەدى، دەپ حابارلايدى almaty-akshamy.kz 24 kz سىلتەمە جاساپ.
«ۇلى دالا التىندارى» دەپ اتالاتىن كورمەدە كورەرمەن نازارىنا بەرەل، شىلىكتى جانە ەلەكە سازى ءقابىر كەشەندەرىنەن تابىلعان 300 جادىگەر ۇسىنىلادى. باستى ەلەمەنت جاس ساداقشىنىڭ جەرلەنگەن قورىمى بولماق. شامامەن 18 جاسىندا مەرت بولعان ساق جاۋىنگەرىن كىشى تۋىسىمەن بىرگە جەرلەگەن. جارتاستىڭ وپىرىلۋى ءقابىر كەشەنىن توناۋشىلاردان قورعاپ، ونى 2،5 مىڭ جىل بويى بۇتىندەي قالىپتا ساقتاپ كەلگەن. بۇل – ەلدەگى ەشكىمنىڭ قولى تيمەگەن ەكىنشى ساق ءقابىرى. قورىمداردان تابىلعان قازىنالار 28 قىركۇيەكتەن باستاپ كوپشىلىككە تانىستىرىلادى.