قازاقستاندىق بويجەتكەن دينا ءامىر اقش-تاعى Miss World International بايقاۋىندا جەڭىمپاز بولدى.
سايىس 8-11 تامىز ارالىعىندا ماياميدە (اقش) وتكەن، دەپ حابارلايدى Almaty-akshamy.kz
«ايقىن» باسىلىمىنىڭ جازۋىنشا، ول الەمدەگى ەڭ ءىرى حالىقارالىق سۇلۋلىق بايقاۋىندا Miss World Universe نوميناسياسىن جەڭىپ الدى.
«ەموسيا وتە كوپ. سوزبەن ايتىپ جەتكىزە المايسىڭ، وتە قىزىقتى بولدى. اسىرەسە، مەن ءۇشىن. ويتكەنى مۇنداي بايقاۋعا ءبىرىنشى رەت قاتىستىم. اقىلىنا كوركى ساي قاتىسۋشىلارمەن تانىسۋ وتە كەرەمەت، – دەدى دينا.
دينانى قولداۋ ءۇشىن بايقاۋعا سىنىپتاستارى مەن ونىڭ ءستيليسى دە بارعان. ول ءوزى سوڭعى 7 جىل قازاقستانداعى IT-كومپانيالاردا ماركەتولوگ بولىپ جۇمىس ىستەگەن. ءقازىر اكسيالار مەن قور نارىعىنا ينۆەستيسيا سالۋمەن اينالىسادى. ول ءبىر جارىم جىل بۇرىن اقش-قا كوشىپ، ماگيستراتۋراعا تۇسۋگە دايىندالىپ جاتىر. دينا كونكۋرس تۋرالى Instagram-نان كورىپ، كەيىن ءوتىنىش بەرگەن.