ساپارحان وماروۆ: بيىل اوك سالاسىندا ءوسىم ساقتالىپ وتىر

بيىل اۋىل شارۋاشىلىعى داقىلدارى 22،7 ملن گەكتارعا ەگىلدى، بۇل 2020 جىلعى دەڭگەيدەن 78 مىڭ گەكتارعا ارتىق.

 4 اي ىشىندە اۋىل شارۋاشىلىعىنىڭ جالپى ءونىمىنىڭ كولەمى 3%-عا (831 ملرد تەڭگەگە دەيىن)، ال ازىق-تۇلىك ونىمدەرىنىڭ ءوندىرىسى 3،9%-عا (673 ملرد تەڭگەگە دەيىن) ۇلعايعان، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.

 بۇل تۋرالى اۋىل شارۋاشىلىعى ءمينيسترى ساپارحان وماروۆ حالىققا ەسەپ بەرۋ كەزدەسۋىندە حابارلادى.

 مال شارۋاشىلىعىندا ءوندىرىس كولەمى 3،2%-عا (776،4 ملرد.تەڭگە) ۇلعايدى. اتاپ ايتقاندا، ءتىرى سالماقتا ەت ءوندىرۋ بويىنشا 5،3%-عا، ءسۇت ءوندىرۋ 3،4%-عا ءوستى. وتكەن جىلى ەلىمىزدە يمپورتتى الماستىرۋ اياسىندا 48 جاڭا ءتاۋارلى-سۇت فەرماسى، 3 ەت كومبيناتى جانە ەت باعىتىنداعى 8 قۇس فابريكاسى ىسكە قوسىلدى.

وسىمدىك شارۋاشىلىعىندا 2021 جىلعى كوكتەمگى ەگىن ەگۋ جۇمىستارىن ۋاقتىلى جۇرگىزۋدى قامتاماسىز ەتۋ ءۇشىن بارلىق قاجەتتى شارالار قابىلداندى جانە بۇگىنگى تاڭدا ەگىس جۇمىستارى تولىق اياقتالدى.

بيىل اۋىل شارۋاشىلىعى داقىلدارى 22،7 ملن گەكتارعا ەگىلدى، بۇل 2020 جىلعى دەڭگەيدەن 78 مىڭ گەكتارعا ارتىق.