ەڭ ماڭىزدى ماسەلەلەردىڭ ءبىرى ساپالى سۋمەن قامتۋ جانە كاناليزاسيا جۇيەسىمەن قامتاماسىز ەتۋ باستى مىندەت بولىپ قالا بەرەدى. بۇل تۋرالى الماتى قالاسى ە.دوسايەۆ مەدەۋ اۋدانىندا حالىقپەن كەزدەسۋدە ايتتى، دەپ حابارلايدى almaty-akshamy.kz
مەملەكەت باسشىسىنىڭ تاپسىرماسىنا سايكەس كامەنسكوە پلاتو، كولساي، مۇزتاۋ جانە يۋبيلەينىي شاعىن اۋداندارىنىڭ تۇرعىندارىن سۋمەن تۇراقتى قامتاماسىز ەتۋ ءۇشىن توتەنشە جاعدايلار جەلىسى بويىنشا 7،3 مىڭ م3 سۋعا ارنالعان 7 رەزەرۆۋار سالىندى. سونداي-اق كۇنىنە 15،7 م3 سۋ وتكىزەتىن 6 سكۆاجينا سالىندى جانە رەكونسترۋكسيالاندى.
بۇگىنگى كۇنى، ىسكە قوسۋ-رەتتەۋ جۇمىستارى جۇرگىزىلۋدە، وسى جىلدىڭ ناۋرىز ايىندا نىساندار تولىققاندى ىسكە قوسىلادى.
دەسەنتراليزاسيا اسىندا مەدەۋ اۋدانىنىڭ اكىمدىگى 2023 جىلدان باستاپ 276،5 كم سۋمەن قامتۋ جانە كاناليزاسيا تاراتۋ جەلىلەرىن سالۋ جۇمىستارىن باستادى، 2025 جىلى اياقتالادى.
وتكەن جىلى حاليۋللين كوشەسى مەن «كامەنسكوە پلاتو» شاعىن اۋدانىندا 13،4 كم ماگيسترالدى جەلىلەر سالىندى.
2024 جىلى كەڭساي، كولساي، كومپوت، جانە دۋمان شاعىن اۋداندارىندا 65،7 كم جەلىنىڭ قۇرىلىسى اياقتالادى.
بۇدان باسقا، 2024 جىلى مۇزتاۋ، كامەنسكوە پلاتو، اسقارتاۋ، شاعىن ستانيسا، اتىراۋ جانە سۇلۋساي شاعىن اۋداندارىندا 145،7 كم تاراتۋ جەلىلەرىنىڭ قۇرىلىسى باستالىپ، 2025 جىلى اياقتالادى.
سونداي-اق، 2024 جىلدىڭ 3-توقسانىندا تاۋلى قىرات، الاتاۋ جانە يۋبيلەينىي شاعىن اۋداندارىندا 51،7 كم تاراتۋ جەلىلەرى سالىنادى
وسىلايشا، 2025 جىلدىڭ سوڭىنا قاراي اۋداننىڭ وڭتۇستىك جانە شىعىس بولىكتەرىندەگى 64،3 مىڭ تۇرعىندى سۋمەن جانە كاناليزاسيامەن قامتاماسىز ەتۋگە قاتىستى پروبلەمالاردى شەشەمىز.
- وتكەن جازدا، اپتاپ ىستىققا بايلانىستى مەدەۋ اۋداننىڭ جوعارى بولىگىن سۋمەن قامتاماسىز ەتۋدە قيىندىقتار تۋىندادى. 2023 جىلدىڭ شىلدە ايىندا سۋدىڭ لايلانۋى نورمادان 50 ەسە اسىپ، سۋ تاپشىلىعى تاۋلىگىنە 20 مىڭ م3 قۇرادى.
- تاپشىلىقتى جويۋ ءۇشىن، توتەنشە جاعدايلار شەڭبەرىندە قۋاتى تاۋلىگىنە 32 مىڭ م3 رەزەرۆتىك سۋمەن قامتۋ سحەماسىنىڭ قۇرىلىسى باستالدى، ول 2024 جىلدىڭ ماۋسىم ايىندا اياقتالادى.
- سۋدىڭ نەگىزگى كوزدەرى - تالعار جەر استى سۋلارى مەن سورعى ستانسيالارىنىڭ قۋاتىن 60%-كە ارتتىرا وتىرىپ، 6 جاڭا سكۆاجينا بۇرعىلاۋ بولىپ تابىلادى.
- ناتيجەسىندە سامال، كوكتوبە شاعىن اۋداندارىنىڭ 50 مىڭ تۇرعىنى جانە تاۋلى قىرات شاعىن اۋدانىنىڭ ءبىر بولىگى ۇزدىكسىز سۋمەن قامتاماسىز ەتىلەتىن بولادى.
- دۋمان شاعىن اۋدانىندا حالىق سانىنىڭ كوبەيۋىنە بايلانىستى، جۇمىس ىستەپ تۇرعان رەزەرۆۋارلاردىڭ وتكىزۋ قابىلەتى اۋىز سۋ قاجەتتىلىگىن وتەمەيدى. جازعى ۋاقىتتا تاۋلىگىنە 2،2 مىڭ تەكشە مەتر تۇتىنۋ تاپشىلىعى بايقالادى.
وسى ماسەلەنى شەشۋ ءۇشىن بيىل 2 سۋ رەزەرۆۋارىن، ماگيسترالدى سۋ قۇبىرىن جانە 2 سورعى ستانسياسىن رەكونسترۋكسيالاۋدى باستايمىز.