جول ينفراقۇرىلىمىن دامىتۋ بويىنشا قارقىندى جۇمىستار جالعاساتىن بولادى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە حابارلادى.
2023 جىلى مەدەۋ اۋدانىندا 21،8 شاقىرىم جولعا ورتاشا جوندەۋ جۇرگىزىلدى، 56 مىڭ م2 جول توسەمى ءىشىنارا قالپىنا كەلتىرىلدى، 29 كوشەدەگى 24،5 شاقىرىم تروتۋارلار جايلاستىرىلدى جانە 20 كوشەدە 6،6 شاقىرىم ارىق جەلىسى سالىندى.
بيىل جولداردى ورتاشا جوندەۋ جۇمىستارىنىڭ كولەمىن 2 ەسە، ياعني 51،6 شاقىرىم دەيىن ارتادى، 60 مىڭ م2 استام جول توسەمىن قالپىنا كەلتىرىلىپ، 42،2 شاقىرىم تروتۋار (19 كوشە) جانە 17 شاقىرىم ارىق جەلىسى سالانادى.
- قوعامدىق كولىك جۇمىسىنىڭ ساپاسىن جاقسارتۋ شەڭبەرىندە 2023 جىلى 18 مارشرۋتتاعى 312 اۆتوبۋس جاڭارتىلدى، 4 جاڭا مارشرۋت اشىلدى، وندا 39 اۆتوبۋس قوسىلدى، 5 جاڭا ايالداما كەشەنى سالىندى.
- ونىڭ ىشىندە، كولساي شاعىن اۋدانى تۇرعىندارىنىڭ وتىنىشتەرى بويىنشا №107 مارشرۋتتا 3 جاڭا تاۋ اۆتوبۋسى ىسكە قوسىلدى.
- 2024 جىلى 17 مارشرۋت بويىنشا (№12، 16، 120، 71، 50، 73، 211، 121، 63، 118، 210، 79، 92، 126، 209، 43، 74) 235 اۆتوبۋس، 10 ايالداما جاڭارتىلادى.