سانكت-پەتەربۋرگتە قازاقستان رەسپۋبليكاسىنىڭ مادەنيەت جانە اقپارات ءمينيسترى ايدا بالايەۆا مەن شىعارماشىلىق زيالى قاۋىمنىڭ كەزدەسۋى ءوتتى، دەپ حابارلايدى almaty-akshamy.kz
سانكت-پەتەربۋرگ قالاسىندا 16-18 قاراشادا ارالىعىنا جوسپارلانعان IX حالىقارالىق مادەني فورۋم ءوتىپ جاتىر. وندا 70-تەن استام ەلدىڭ دەلەگاسياسى مادەنيەت پەن ونەر سالاسىنداعى ءوزارا ءىس-قيمىلدىڭ وزەكتى ماسەلەلەرىن تالقىلايدى.
فورۋم اياسىندا ق ر مادەنيەت جانە اقپارات ءمينيسترى ايدا بالايەۆا ءومىرى مەن شىعارماشىلىعى قازاقستانمەن تىكەلەي بايلانىستى قازاقستاندىق جانە رەسەيلىك مادەنيەت جانە ونەر قايراتكەرلەرىمەن كەزدەسۋ وتكىزدى.
شاراعا مۋزىكانتتار، انشىلەر، رەجيسسەرلەر، اكتەرلار، ادەبيەت قايراتكەرلەرى، مۇسىنشىلەر مەن سۋرەتشىلەر قاتىستى.
جيىن باسىندا ا.بالايەۆا ءانشى ءاليا كيكەنوۆاعا «شاپاعات» مەدالىن تابىس ەتتى.
«مەن ءۇشىن بۇل جوعارى ماراپاتتى الۋ وتە ماڭىزدى. مەن ءارقاشان جانە بارلىق جەردە قازاق مادەنيەتىن ناسيحاتتاۋعا تىرىسامىن. بۇل ماعان جۇمىستى جالعاستىرۋعا ىنتالاندىرۋ»، - دەدى ا.كيكەنوۆا.
كەزدەسۋ بارىسىندا مادەنيەتتى دامىتۋ، مامانداردىڭ بىلىكتىلىگىن ارتتىرۋ جانە مادەنيەت قايراتكەرلەرىن قولداۋ ماسەلەلەرى تالقىلاندى.
مادەنيەت قايراتكەرلەرى قازاقستان رەسپۋبليكاسى مادەنيەت مينيسترلىگىمەن ءتۇرلى فورماتتاعى ىنتىماقتاستىق پەرسپەكتيۆالارىنا ۇلكەن قىزىعۋشىلىق تانىتتى.
كەزدەسۋ بارىسىندا ا.بالايەۆا رەسەيدە تۇراقتى تۇراتىن قانداستارىمىزدىڭ قازاق قالالارىنىڭ ساحنالارىندا ونەر كورسەتۋىنە جانە ولاردىڭ شىعارمالارىن قازاق وقىرماندارى مەن ونەر جاناشىرلارىنىڭ اراسىندا كەڭىنەن ناسيحاتتاۋعا مۇمكىندىك تۋعىزۋعا كومەكتەسۋگە دايىن ەكەنىن جەتكىزدى.
ول سۋرەتشىلەر مەن مۇسىنشىلەردىڭ شەبەرلىك ساباقتارىن، سەمينارلارىن، كورمەلەرىن وتكىزۋ جوبالارىنا ەرەكشە كوڭىل ءبولدى.