ساندىقتىڭ سىرى

بۇل كورمەدە ساندىقتىڭ 15-تەن استام ءتۇرى بار.

مەگاپوليس تورىنەن ورىن تەپكەن ورتالىق مۋزەيدە مۋزەي قورىنداعى ساندىقتار كوللەكسياسى نەگىزىندە «كونەنىڭ كوزى – ساندىق» كورمەسى اشىلدى، دەپ حابارلايدى Almaty-akshamy.kz

ساندىقتار جاسالۋ ماتەريالىنا، كولەمى مەن اتقاراتىن قىزمەتىنە قاراي  جاعلان، كەبەجە، اباجا، ابدىرا، ابدىرە، اقىرەت ساندىق، قولساندىق، شايساندىق، اعاش ساندىق، سۇيەكتەلگەن، ويمىشتى ساندىق، ت.ب. دەپ اتالادى. كولەمى شاعىنداۋ جانە نەعۇرلىم كىشكەنە كەلەتىن ءارجى، بوگىرە، بوگىرەباس، جاعدان، تەكشەساندىق دەگەن تۇرلەرى دە بار.

اتالمىش كورمەگە وسىنداي اتاۋلارعا يە 15-تەن استام ساندىق ءتۇرى قويىلدى. ولاردىڭ كوپشىلىگى ورتالىق مۋزەي قورىنداعى حح عاسىردى قامتيتىن جانە ءار جىلدارى ەلىمىزدىڭ ءتۇرلى وڭىرىنەن جيناقتالعان ساندىقتار.

«كونەنىڭ كوزى – ساندىق» كورمەسىنىڭ سالتاناتتى اشىلۋ راسىمىندە ق ر مەملەكەتتىك ورتالىق مۋزەيى ديرەكتورىنىڭ عىلىمي جۇمىستار جونىندەگى ورىنباسارى ع.تەميرتون قۇتتىقتاۋ ءسوز سويلەسە، انتروپولوگيا جانە ەتنولوگيا ءبولىمىنىڭ اعا عىلىمي قىزمەتكەرى رۇستەمبەك شويبەكوۆ جانە ت.جۇرگەنوۆ اتىنداعى ونەر اكادەمياسىنىڭ «كەسكىندەمە، ءمۇسىن جانە ديزاين» فاكۋلتەتىنىڭ «ساندىك ونەر» كافەدراسىنىڭ وقىتۋشىسى، اعاشتى كوركەمدەۋ وڭدەۋ شەبەرى ەرنازار انۋاربەك ۇلى ساندىق جاساۋ ونەرىنىڭ ەرەكشەلىگىن اتاپ ءوتتى.

كورمە ۇلتتىق ءداستۇرى مەن حالقىنىڭ مادەنيەتىن تەرەڭ تانىعىسى كەلەتىن ءاربىر ازاماتقا قۇندى اقپارات بەرەرى ءسوزسىز.