ماماندار كەرەك كەڭەستەر بەرىپ، قاجەتتى ەم-دوم تاعايىندادى.
№10 قالالىق ەمحانا ماماندارى الماتى قالاسى «شاڭىراق» الەۋمەتتىك قىزمەت كورسەتۋ ورتالىعىنىڭ باسشىلىعىمەن بىرلەسىپ، وسى مەكەمەنىڭ اتالعان ەمحانادا تىركەلگەن 306 تۇرعىنىن پروفيلاكتيكالىق تەكسەرۋدەن وتكىزدى، دەپ حابارلايدى Almaty-akshamy.kz
«شاڭىراقتى» جالعىزىلىكتى قارتتار، مۇمكىندىگى شەكتەۋلى جاندار مەكەن ەتەدى. ولارعا كارديولوگ، وفتالمولوگ، ەندوكرينولوگ، ماممولوگ، ۋرولوگ، نيەۆروپاتولوگ، ينفەكسيونيست، حيرۋرگ جانە دەرماتولوگ دارىگەرلەر ارنايى بارىپ، دەنساۋلىعىن تەكسەرىپ، كەرەك كەڭەستەر بەرىپ، قاجەتتى ەم-دوم تاعايىندادى.
ورتالىق تۇرعىندارى №10 قالالىق ەمحانا باسشىلىعىنا، كلينيكالىق دياگنوستيكالىق كومەك بەرۋ ءبولىمىنىڭ مەڭگەرۋشىسى گ.بوگەنبايەۆاعا، سونداي-اق ءىس-شاراعا قاتىسقان بارلىق مامان-دارىگەردىڭ جۇمىسىنا جوعارى باعا بەرىپ، كاسىپقويلىعى، ءار پاسيەنتكە قامقورلىعى مەن كوڭىل بولگەنى ءۇشىن العىسىن ءبىلدىردى.