ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ پوليسيا قىزمەتكەرلەرىنىڭ جۋرناليست ساندۋعاش دۇيسەنوۆانى شەشىندىرىپ تىنتۋىنە قاتىستى پىكىر ءبىلدىردى، دەپ حابارلايدى Almaty-akshamy.kz.
«قىلمىستىق ءىس ءالى تەرگەلىپ جاتىر. ءبىزدىڭ قىزمەتكەرلەردىڭ ىس-ارەكەتتەرىنىڭ زاڭدىلىعىن پروكۋرورلار، ودان كەيىن سوت تەكسەرەدى. سول جەردە كەمشىلىك انىقتالىپ، قىزمەتكەرلەرىمىز مىندەتتەرىن دۇرىس اتقارماسا، سوت ۇكىمى شىققاننان كەيىن كەشىرىم سۇراۋعا دايىنبىز»، - دەدى مارات قوجايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ەسكە سالا كەتەيىك، 11 تامىزدا جەتىسۋلىق جۋرناليست، ازاماتتىق بەلسەندى ساندۋعاش دۇيسەنوۆا ۇستالعان ەدى.
وعان ق ر قىلمىستىق كودەكستىڭ 147-بابى 5-بولىگى بويىنشا ايىپ تاعىلعان. بۇل باپتا ادامنىڭ جەكە ءومىرى تۋرالى اقپاراتتى تاراتقاندارعا جازا قاراستىرىلعان.
كەيىن بوساپ شىققان جۋرناليست ءوزىن پوليسەيلەر بولىمشەدە شەشىندىرىپ، ۆيدەوعا تۇسىرگەنىن جەتكىزىپ، الەۋمەتتىك جەلى ارقىلى حات جازعان ەدى.
وسىعان وراي جەتىسۋ وبلىستىق پوليسيا دەپارتامەنتى مالىمدەمە جاساپ، نەلىكتەن ۆيدەوعا تۇسىرگەنىن ءتۇسىندىردى.