بۇگىن ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ ەكونوميكالىق ءوسىمدى قامتاماسىز ەتۋ ءۇشىن مينيسترلەر مەن اكىمدەر نازار اۋدارۋى ءتيىس ءىس-شارالاردى اتادى، دەپ حابارلايدى Almaty-akshamy.kz.
«ەكونوميكالىق ءوسۋدى قامتاماسىز ەتۋ ماقساتىندا ورتالىق جانە جەرگىلىكتى اتقارۋشى ورگاندارعا كەلەسى ءىس-شارالارعا نازار اۋدارۋ ۇسىنىلادى. ۋاقىتىلى ەگىن جيناۋدى جانە قۇرىلىس جۇمىستارىنىڭ ماۋسىمىن ءتيىمدى جۇرگىزۋدى قامتاماسىز ەتۋ، ەكسپورتتىڭ ءوسۋىن قالپىنا كەلتىرۋ ءۇشىن قوسىمشا شارالار قابىلداۋ جانە بالامالى باعىتتاردى ءتيىمدى پايدالانۋ قاجەت»، - دەدى مينيستر.
سونىمەن قاتار ول بەلسەندى تۇردە ينۆەستيسيا تارتۋ جانە بيۋدجەت قاراجاتىن ءتيىمدى يگەرۋ ماسەلەسىنە دە نازار اۋدارتتى.
«الەۋمەتتىك ماڭىزى بار ازىق-تۇلىك تاۋارلارى باعالارىنىڭ ءوسۋىن بولدىرماۋ بويىنشا ءىس-شارالار قابىلداۋ جانە تۇراقتى مونيتورينگ جۇرگىزۋ كەرەك. تۇراقتى جانە ۋاقىتشا جۇمىسپەن قامتۋ ءىس-شارالارىن قولداۋ ارقىلى ەڭبەك نارىعىنداعى تۇراقتىلىقتى قامتاماسىز ەتۋ قاجەت»، - دەدى الىبەك قۋانتىروۆ.