الماتى ءماسليحاتى كوممۋنالدىق قىزمەتتەرگە تاريفتەردىڭ كوتەرىلۋىنە بايلانىستى الەۋمەتتىك كومەك كورسەتۋ قاعيدالارىن بەكىتتى جانە حالىقتىڭ الەۋمەتتىك وسال توپتارى ءۇشىن وتەماقى مولشەرىن بەلگىلەدى، دەپ حابارلايدى almaty-akshamy.kz
قاعيدالار الماتى قالاسى اكىمىنىڭ تاپسىرماسى بويىنشا «ينۆەستيسيالارعا ايىرباستاۋ ءتاريفى» باعدارلاماسى اياسىندا كوممۋنالدىق قىزمەتتەرگە تاريفتەردىڭ وسۋىنە بايلانىستى ازىرلەندى.
قازىرگى ۋاقىتتا قالادا ءحاوت ساناتىنا جاتاتىن 315 430 ازامات تۇرادى، ونىڭ ىشىندە: جاسى بويىنشا 237 740 زەينەتكەر، 35 562 كوپبالالى انا جانە كوپبالالى وتباسى، ءبىرىنشى جانە ەكىنشى توپتاعى مۇگەدەكتىگى بار 28 433 ادام، مۇگەدەك بالالاردى تاربيەلەپ وتىرعان 8 591 وتباسى، مەملەكەتتىك مەكەمەلەردى ورىنداۋ كەزىندە قازا تاپقان ادامداردىڭ 534 وتباسى، ۇوس 54 ارداگەرى، باسقا مەملەكەتتەر اۋماعىنداعى 2 987 جاۋىنگەرلىك ءىس-قيمىل ارداگەرى، سونىمەن قاتار، جەڭىلدىكتەر بويىنشا ۇوس ارداگەرلەرىنە تەڭەستىرىلگەن 1 538 ادام.
كوممۋنالدىق تاريفتەردىڭ وسۋىنە بايلانىستى وتەماقى ءحاوت ءوتىنىشى بويىنشا 2023 جىلعى 1 شىلدەدەن 31 جەلتوقسانعا دەيىن اي سايىن 0،5 اەك (1725 تەڭگە) مولشەرىندە تولەنەدى. بۇل سوما سۋمەن جابدىقتاۋ، سۋ بۇرۋ، گاز، جىلىتۋ جانە ت.ب. قوسقاەدا، 12 قىزمەت بويىنشا تاريفتەردىڭ ءوسۋىن جابادى.
ءحاوت ساناتىنا جاتاتىن تۇلعالارعا وتەماقى رەسىمدەۋ ءۇشىن اۋداندىق جۇمىسپەن قامتۋ جانە الەۋمەتتىك باعدارلامالار بولىمدەرىنە نەمەسە الەۋمەتتىك قىزمەتتەر ۇيىنە وتىنىشپەن جۇگىنۋ قاجەت.
مۇگەدەكتىگى بار ادامدار «ە-gov» ەلەكتروندىق ۇكىمەت پورتالى ارقىلى ءوتىنىش بەرە الادى.
وتىنىشتەر قارالىپ، وڭ شەشىم قابىلدانعاننان كەيىن تولەمدەر ءوتىنىش بەرۋشىلەردىڭ ەكىنشى دەڭگەيدەگى بانكتەردەگى شوتىنا تۇسەدى.
