ساناق كەزىندە الاياقتاردان قالاي ساقتانۋ كەرەكتىگى ايتىلدى

1 قىركۇيەكتە باستالعان حالىق ساناعى 15 قازانعا دەيىن، ياعني 45 كۇن بويى ونلاين رەجيمدە sanaq.gov.kz ارنايى سايتىندا وتەدى.

تانىمال الەۋمەتتىك جەلىلەر مەن مەسسەندجەرلەر ارقىلى الاياقتىق ارەكەتتەر تۋرالى حابارالامالار تاراۋدا. ونداعى ماتىنگە سايكەس، كويلەك كيگەن، قولىندا پاپكاسى مەن كۋالىگى بار ازاماتتار وزدەرىن اكىمدىك قىزمەتكەرلەرىمىز دەپ تانىستىرىپ، حالىق ساناعىن جۇرگىزىپ جۇرگەنىن ايتۋدا. بۇل تۋرالى بيۋرونىڭ رەسمي وكىلى ولجاس سايلاۋبەك مالىمدەدى، Almaty-akshamy.kz Baq.kz-كە سىلتەمە جاساپ.

وسىعان بايلانىستى ۇلتتىق ستاتيستيكا بيۋروسى حالىقتى اقپاراتتاندىرۋ ماقساتىندا بۇل ازاماتتاردىڭ حالىق ساناعىنا قاتىسى جوق ەكەنىن رەسمي تۇردە مالىمدەيدى. سونداي-اق، 1 قىركۇيەكتە باستالعان حالىق ساناعى 15 قازانعا دەيىن، ياعني 45 كۇن بويى ونلاين رەجيمدە sanaq.gov.kz ارنايى سايتىندا وتەتىنىن اتاپ وتكىمىز كەلەدى،- دەلىنگەن حابارلامادا.

ينتەرۆيۋەرلەر ۇيلەردى قازان ايىنىڭ 1-30 ارالىعىندا ارالاپ، ساۋالناما جۇرگىزەدى. 

ينتۆەريۋەردىڭ قولىندا ارنايى پلانشەتى، كوك ءتۇستى، حالىق ساناعىنىڭ سيمۆوليكاسى بەينەلەنگەن شارفى مەن سومكەسى بولادى. ەڭ نەگىزگىسى، ونىڭ ينتەرۆيۋەر ەكەندىگىن ايقىندايتىن اۋماقتىق ستاتيستيكا ءبولىمىنىڭ مورىمەن راستالعان قۇجاتى بولادى. ودان بولەك تىركەۋ ءنومىرى كورسەتىلەدى. ول ءنومىردى sanaq.gov.kz سايتىنداعى ارنايى جولاققا ەنگىزۋ ارقىلى تەكسەرۋ مۇمكىندىگى قاراستىرىلادى. سونداي-اق، 1446 نومىرىنە حابارلاسۋ ارقىلى ينتەرۆيۋەر تۋرالى مالىمەتتەردى ناقتىلاۋ مۇمكىندىگى بار، - دەدى ول.