پاندجشەر پروۆينسياسىن باسىپ الۋ تۋرالى حابارلامالاردان كەيىن «تاليبان» راديكالدى قوزعالىسىنىڭ سودىرلارى جاپپاي بەي-بەرەكەت وق جاۋدىرعان. اتىس سالدارىنان ەلدە قازا تاپقاندار مەن جارالانعاندار سانى 70-تەن استى، دەپ حابارلايدى Almaty-akshamy.kz قازاقپارات-قا سىلتەمە جاساپ.
The Khaama Press اگەنتتىگىنىڭ مالىمدەۋىنشە، كابۋلداعى جەدەل جاردەم اۋرۋحاناسى 4 قىركۇيەككە قاراعان ءتۇنى 17 مارقۇمنىڭ ءمايىتى مەن جاراقات العان 40 ادام جەتكىزىلگەنىن راستادى. ەلدىڭ شىعىسىندا جەلالابادتان كەلگەن دەرەكتەرگە سايكەس، وتكەن تۇندە اتىس سالدارىنان 17 ادام قازا تاپقان. اگەنتتىك باسقا قالالاردان دا اقپارات كەلىپ تۇسەتىندىكتەن زارداپ شەككەندەردىڭ سانى ارتۋى مۇمكىن ەكەنىن ايتادى. بۇعان دەيىن اۋعان اقپارات قۇرالدارى حابارلاعانداي، كابۋلدا ەلدەگى بيلىكتى باسىپ العان «تاليبان» راديكالدى قوزعالىسىنىڭ سودىرلارى بەي-بەرەكەت وق جاۋدىرىپ، باعىنباعان سولتۇستىك پاندجشەر پروۆينسياسىن تولىق باسىپ العاندىقتارىن وسىلاي اتاپ وتكەن. ال ايماقتاعى ۇلتتىق قارسىلىق وكىلدەرى راديكالداردىڭ وسى پروۆينسياعا باقىلاۋ ورناتقانى تۋرالى اقپاراتتى جوققا شىعاردى.
اۋعانستاندا بەي-بەرەكەت اتىلعان وقتان زارداپ شەككەندەر سانى 70-تەن استى
- اۆتور Almaty-akshamy
- 11:09، 04 قىركۇيەك 2021
Cۋرەت: Inform.kz