«سامۇرىق-قازىنا» قورىنىڭ باسشىسى اۋىستى

جاڭا باسشىنى ءاليحان سمايىلوۆ تانىستىردى.

«سامۇرىق-قازىنا» ۇلتتىق ءال-اۋقات قورى» اق باسقارما ءتوراعاسى بولىپ بۇعان دەيىن قازاقستاننىڭ ينۆەستيسيالىق دامۋ قورىنىڭ (قيدق) باسقارما ءتوراعاسى قىزمەتىن اتقارعان نۇرلان جاقىپوۆ تاعايىندالدى، دەپ حابارلايدى Almaty-akshamy.kz

نۇرلان جاقىپوۆ 1978 جىلى 31 ناۋرىزدا دۇنيەگە كەلگەن. 1996-2001 جىلدارى رەسەي فەدەراسياسى سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ينستيتۋتىندا حالىقارالىق ەكونوميكالىق قاتىناستار فاكۋلتەتىندە (ەكونوميكا باكالاۆرى، ەكونوميكا ماگيسترى، ەكونوميكا عىلىمدارىنىڭ كانديداتى) وقىدى.

ۇكىمەت باسشىسى قوردىڭ الدىندا ينۆەستيسيالار تارتۋ، ەنەرگەتيكالىق كەشەندى دامىتۋ، رەسپۋبليكانىڭ ينفراقۇرىلىمدىق، كولىك-لوگيستيكالىق جانە يندۋستريالىق دامۋىن قامتاماسىز ەتۋ بويىنشا اۋقىمدى مىندەتتەر تۇرعانىن اتاپ ءوتتى. سونىمەن قاتار قور وتاندىق تاۋار وندىرۋشىلەرگە بەلسەندى تۇردە قولداۋ كورسەتىپ، قولايلى جاعداي جاساۋعا ءتيىس. بۇل ۇلتتىق ەكونوميكانىڭ ورنىقتى دامۋ جولىندا نىعايۋىنا مۇمكىندىك بەرەدى.

"ءار ەنشىلەس كومپانيا مەن حولدينگ جۇمىسىنىڭ باسىم باعىتتارى جانە KPI ايقىندالعان، پەرسپەكتيۆالى مىندەتتەر تۇسىنىكتى. قور – ءبىزدىڭ ەلىمىزدە ۇلكەن اكتيۆتەردى باسقاراتىن وتە ماڭىزدى قۇرىلىم. قوردىڭ ءتيىمدى جۇمىسىنا كوپ ماسەلە، اسىرەسە، بۇكىل ەكونوميكاعا جانە ەلىمىزدىڭ ودان ءارى دامۋىنا اسەر ەتەتىن ءىرى جوبالار بايلانىستى بولىپ وتىر"، — دەدى ءاليحان سمايىلوۆ.