تالاپقا باعىنباعاندار ايىپپۇل تولەپ، قىلمىستىق جاۋاپكەرشىلىككە تارتىلماق.
ءىىم وكىلى شۇعىلا تۇرلىبەكتىڭ ايتۋىنشا، 5 ساۋىردەن باستاپ بالىق ونىمدەرىنىڭ اينالىمى ەرەكشە باقىلاۋدا بولادى، دەپ حابارلايدى Almaty-akshamy.kz
- ەكولوگيا جانە تابيعي رەسۋرستار مينيسترلىگى بالىق جانە باسقا دا سۋ جانۋارلارىنىڭ بيوالۋاندىعىن ساقتاۋ ءۇشىن ەل اۋماعىندا 5 ءساۋىر مەن 5 ماۋسىم ارالىعىندا «ۋىلدىرىق شاشۋ» اكسياسىن وتكىزەدى. مينيسترلىك ءار ءوڭىردىڭ ەرەكشەلىگىن ەسكەرىپ، بالىق اۋلاۋعا تىيىم سالۋ مەرزىمىن ەنگىزدى، - دەدى شۇعىلا تۇرلىبەك.
ول اكسيا تالاپتارىن بۇزعاندار جاۋاپقا تارتىلاتىنىن ەسكەرتتى.
«وسى كەزەڭدە مۇددەلى مەملەكەتتىك ورگانداردىڭ قىزمەتكەرلەرى بالىق اۋلاۋعا تىيىم سالۋعا، بالىق جانە بالىق ونىمدەرىن زاڭسىز ساتىپ الىپ، وتكىزۋدىڭ، تاسىمالداۋدىڭ فاكتىلەرىن انىقتاپ، جولىن كەسۋگە باستى نازار اۋدارادى. تالاپقا باعىنباعاندارعا اكىمشىلىك كودەكستىڭ 383-بابى بويىنشا 10 اەك-تەن 40 اەك-كە دەيىن (34 500-138 مىڭ تەڭگە) ايىپپۇل جانە 3 جىلعا دەيىن باس بوستاندىعىنان ايىرۋ (قىلمىستىق كودەكستىڭ 335-بابى بويىنشا) تۇرىندەگى قىلمىستىق جاۋاپكەرشىلىك كوزدەلگەن»، - دەدى ءىىم وكىلى.