قازىرگى ۋاقىتتا قالادا 6 ەرەسەك پەن 20 بالا اۋرۋحانادا جاتىر، بارلىعىنىڭ جاعدايىنىڭ اۋىرلىعى ورتاشا.
جالپى، 27 اقپاننان بۇگىنگە دەيىن «قىزىلشا» دياگنوزى 6 ەرەسەك پەن 67 بالادا زەرتحانالىق تۇردە راستالعان، دەپ حابارلايدى Almaty-akshamy.kz.
ەمدەلىپ شىققان جانە ستاسيوناردا ەمدەلىپ جاتقاندار اراسىندا اياعى اۋىر جانە بوسانعان ايەلدەر تىركەلگەن جوق.
بۇل تۋرالى وكق-دا وتكەن بريفينگتە الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى نازگۇل يمانعالييەۆا ايتتى.
سونداي-اق، بالالار اراسىندا قىزىلشا اۋرۋىنىڭ تومەندەۋىنە قازاقستان رەسپۋبليكاسى ۇلتتىق ەكپە كۇنتىزبەسىنە سايكەس جوسپارلى يممۋنداۋ عانا ىقپال ەتەتىنى ايتىلدى. ۆاكسيناسيا ت-ليمفوسيتتەر مەن انتيدەنەلەردى ءوندىرۋ ارقىلى يممۋندىق جۇيەنى بەلسەندىرۋگە كومەكتەسەدى.
«اتا-انالاردى تەك قىزىلشاعا عانا ەمەس، قىزامىق پەن پاروتيتكە قارسى ۆاكسينا الۋعا تاعى ءبىر شاقىرامىن. ۆاكسيناسيا 1 جاستاعى بالالارعا جاسالادى. بولاشاقتا تۇراقتى يممۋنيتەتتى ساقتاپ قالۋ ءۇشىن ۆاكسيناسيا 6 جاستا تاعى ءبىر قايتالانادى. ۆاكسيناسيا تۇرعىلىقتى جەرىڭىز بويىنشا ەمحانادا جاسالادى. حالىق اراسىندا يممۋندىق ەمەس قاتاردىڭ تومەندەۋى عانا حالىقتىڭ بۇل ينفەكسياعا بەيىمدىلىگىن ايتارلىقتاي تومەندەتەدى»، - دەپ اتاپ ءوتتى ول.