ورتالىق قازاقستاندىق عالىمداردىڭ شەتەلدىك ارىپتەستەرمەن ءوزارا ءىس-قيمىلى شەڭبەرىندە اقپارات الماسۋعا جەتەكشىلىك جاسايدى.
«سامۇرىق-قازىنا» اق «Center for Scientific and Technological Initiatives Ltd.» - عىلىمي-تەحنولوگيالىق باستامالار ورتالىعىن قۇردى، دەپ حابارلايدى Almaty-akshamy.kz Egemen.kz سىلتەمە جاساپ.
2022 جىلعى ساۋىردە «استانا» حالىقارالىق قارجى ورتالىعىندا جاڭا ۇيىم تىركەلدى. ورتالىقتىڭ مىندەتى – عىلىمي-زەرتتەۋ جانە تاجىريبەلىك-كونسترۋكتورلىق جۇمىستار (عزتكج) ارقىلى كومپانيالاردىڭ ءوسۋى مەن دامۋىنىڭ تۇراقتى تەتىگىن قۇرۋدى قامتاماسىز ەتۋ، ياعني اكتيۆتەردىڭ كىرىستىلىگىن ارتتىرۋ جانە ەڭبەك ونىمدىلىگىنىڭ ارتۋىن ىنتالاندىرۋ بولىپ تابىلادى.
مەملەكەت باسشىسىنىڭ عزتكج مەن يننوۆاسيالارعا ارنالعان قاراجاتتى پايدالانۋدىڭ تيىمدىلىگى مەن اشىقتىعىن ارتتىرۋ جونىندەگى تاپسىرماسىن ورىنداۋ ءۇشىن «سامۇرىق-قازىنا» اق جەر قويناۋىن پايدالانۋشى پورتفەلدىك كومپانيالارىنىڭ قاراجاتىن جانە عزتكج قىزمەتىن عىلىمي ورتالىققا شوعىرلاندىرۋ تۋرالى شەشىم قابىلداندى.
عزتكج-نى ءبىر ورتالىققا شوعىرلاندىرۋ عىلىمي قوعامداستىق شەشە الاتىن ماسەلەلەردىڭ «ماركەتپلەيسى» ءتاسىلىن ىسكە اسىرۋعا مۇمكىندىك بەرەدى. عىلىمي-يننوۆاسيالىق جوبالاردى ورىنداۋشىلار وتاندىق عزي، ۋنيۆەرسيتەتتەر، عىلىمي ورتالىقتار مەن تەحنولوگيالىق كومپانيالار اراسىندا اشىق كونكۋرستار نەگىزىندە تاڭدالادى. جوبالاردى كوممەرسيالاندىرۋ جانە جاڭا وندىرىستەر مەن جۇمىس ورىندارىن اشۋ دا عزتكج مەن يننوۆاسيالىق قىزمەت تيىمدىلىگى كورسەتكىشتەرىنىڭ ءبىرى بولۋى ءتيىس.
ورتالىق قازاقستاندىق عالىمداردىڭ شەتەلدىك ارىپتەستەرمەن ءوزارا ءىس-قيمىلى شەڭبەرىندە اقپارات الماسۋعا جەتەكشىلىك جاسايدى. سونداي-اق وتاندىق عىلىمدى قولداۋ جانە زاماناۋي تەحنولوگيالاردى رەتتەۋ بويىنشا زاڭنامالىق باستامالار جاساي وتىرىپ، ق ر ۇكىمەتىمەن تىعىز بايلانىستا بولادى.
وسى جىلعا جوسپارلانعان ءبىرىنشى كەزەكتەگى جوبالارىنىڭ قاتارىندا:
- كەسەك كۇكىرتتەن اۋىل شارۋاشىلىعىنا قاجەتتى فۋنگيسيدتەر - مۇناي ءوندىرۋ كەزىندە جاناما ءونىم ءوندىرۋدى زەرتتەۋ؛
- قۇرامىندا سۋتەگىنىڭ مولشەرى كوپ گاز بەرەتىن قاباتقا سۋ نەمەسە اۋا بەرمەي، قوڭىر كومىردى جەراستى گازداندىرۋ ءادىسىن ونەركاسىپتىك سىناۋ؛
- جوعارعى قايراقتى كەن ورنىندا شوعىرلى سىلتىسىزدەندىرۋ ادىسىمەن ۆولفرام ءوندىرۋ مۇمكىندىگىن زەرتتەۋ؛
- ۋران وندىرۋگە ارنالعان جاڭا جابدىقتى جاساۋ، ۇڭعىمالاردى زەرتتەۋگە ارنالعان اناليتيكالىق قۇرالداردى جاساۋ؛
- تەپلوۆوزداردى ماگيسترالدى ت/ج جەلىلەرىندەگى ديزەلدىڭ ورنىنا سۇيىتىلعان تابيعي گاز اۋىستىرۋ.