بۇگىنگى تاڭدا اۋلاۋ بويىنشا جۇمىس بەينەجازۋدىڭ تەحنيكالىق قۇرالدارىن پايدالانا وتىرىپ جۇرگىزىلەدى، بكدق 109، ۆەتەريناريالىق قىزمەتتىڭ ديسپەچەرلىك قىزمەتى جانە Open Almaty قوعامدىق قابىلداۋى ارقىلى تاپسىرىس قابىلداۋ جۇيەسى جۇمىس ىستەيدى. حالىقپەن، زووقورعاۋ ۇيىمدارىمەن ادوپسيا (كۇشىكتەر مەن مىسىقتارعا باسىمدىق بەرىلەدى) ماسەلەلەرى بويىنشا ءتۇسىندىرۋ جۇمىسى جۇرگىزىلەدى. اۋلانعان جانۋارلار جونىندەگى اقپارات كۇن سايىن ۆەتەريناريالىق قىزمەتتىڭ ينتەرنەت-رەسۋرسىنا ورنالاستىرىلادى، دەپ حابارلايدى اlmaty-akshamy.kz.
2022 جىلعى 2 ناۋرىزدان باستاپ، قازاقستان رەسپۋبليكاسىنىڭ «جانۋارلارعا جاۋاپكەرشىلىكپەن قاراۋ تۋرالى» زاڭىنىڭ كۇشىنە ەنۋىنە بايلانىستى، اۋلانعان قاراۋسىز قالعان جانە قاڭعىباس جانۋارلاردى، اسا ءقاۋىپتى ينفەكسيالىق اۋرۋى جانە اگرەسسيالىق بەلگىلەرى بار جانۋارلاردى قوسپاعاندا، ولتىرۋگە تىيىم سالىنادى.
قازىرگى ۋاقىتتا ۋاقىتشا ۇستاۋ پۋنكتىنە (بۇدان ءارى – ۋۇپ) تۇسكەن كەزدە، قاراۋسىز قالعان جانە قاڭعىباس جانۋارلار ەتقورەكتىلەردىڭ وبا جانە ميكروسپوريا اۋرۋلارىنىڭ بارى-جوعىنا تەكسەرۋدەن وتەدى. وڭ ناتيجە بولعان جاعدايدا، جانۋار اتالعان زاڭعا سايكەس، دارىلىك جولمەن ۇيىقتاتۋعا جاتادى.
سونداي-اق، جۋىق ارادا ءتيىستى كاسىبي ماماندارمەن – كينولوگتارمەن جانۋاردىڭ، جەكەلەي العاندا، يتتەردىڭ اگرەسسياسىن انىقتاۋ ءراسىمىن وتكىزۋدى ۇيىمداستىرۋ جوسپارلانىپ وتىر. كۇن سايىن (دەمالىس جانە مەيرام كۇندەرىن ايتپاعاندا)، ءبىلىم بەرۋ مەكەمەلەرىنىڭ (بالاباقشالار، مەكتەپتەر جانە ت.س.س.) تاپسىرىستارى، سونداي-اق ازاماتتاردىڭ قاڭعىباس جانۋاردىڭ اگرەسسياسىنا نەمەسە قاۋىپ الۋ قاۋپىنە دەگەن جەدەل جۇگىنۋلەرى بويىنشا اۋلاۋ جۇرگىزىلەدى.
قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىنىڭ اقپاراتى بويىنشا، قازاقستان رەسپۋبليكاسىنىڭ «جانۋارلارعا جاۋاپكەرشىلىكپەن قاراۋ تۋرالى» زاڭىنان تۋىندايتىن سايكەس كىشى زاڭدار، ونىڭ ىشىندە، قاراۋسىز قالعان جانە قاڭعىباس جانۋارلاردى اۋلاۋدىڭ، ۋاقىتشا ۇستاۋدىڭ، جانە ءولتىرۋدىڭ تۇرپاتتى قاعيدالارى اعىمداعى جىلعى 1 ساۋىردە قابىلدانۋى ءتيىس بولاتىن. الايدا، كۇنى بۇگىنگە دەيىن اتالعان قاعيدالار بەكىتىلمەدى. الدىن الا بەرىلگەن اقپارات بويىنشا ونى 2022 جىلعى مامىر ايىندا بەكىتۋ جوسپارلانىپ وتىر.
جوعارىدا اتالعان قاعيدالاردىڭ جوباسىنا سايكەس، جانۋاردى ۋاقىتشا ۇستاۋ پۋنكتىندە ۇستاۋ 5 كۇنمەن شەكتەلەتىن بولادى. بۇدان ءارى، جانۋار ۆاكسيناسيا، زارارسىزداندىرۋ راسىمدەرىنەن ءوتۋى جانە اۋلانعان ورىندارىنا شىعارىلۋى ءتيىس.
اتالعان قۇجات قابىلدانعاننان كەيىن جانۋاردى ءۇشىنشى تۇلعاعا بەرۋ (ادوپسيا) بويىنشا جۇمىستى كۇشەيتۋ، حالىقتىڭ اراسىندا جانۋارعا جاۋاپكەرشىلىكپەن قاراۋ ماسەلەلەرى بويىنشا ءتۇسىندىرۋ جۇمىستارىن جۇرگىزۋ، جىبەرىلگەن قاراۋسىز قالعان جانە قاڭعىباس جانۋارلاردى قاداعالاۋ بويىنشا زووەرىكتىلەرمەن بەلسەندى جۇمىس جۇرگىزۋ جوسپارلانىپ وتىر.
قالانىڭ ەپيزووتيالىق جاعدايىنا اسەر ەتەتىن ماڭىزدى جايتتار قاڭعىباس جانە قاراۋسىز قالعان جانۋارلاردىڭ بولۋى، ءۇي جانۋارلارىنا جاۋاپكەرشىلىكپەن قاراۋ مادەنيەتىنىڭ بولماۋى بولىپ تابىلادى.
قاراۋسىز قالعان جانۋارلار – بۇل قازىرگى ۋاقىتتا قالالىقتاردى تولعاندىراتىن اسا وتكىر ماسەلەلەردىڭ ءبىرى. بۇعان قۇزىرلى ورگاندارعا جانە زووقورعاۋ ۇيىمدارىنا ازاماتتاردىڭ قالاداعى جانۋارلارمەن قاتار، ولاردى اۋلاۋدىڭ ادامگەرشىلىككە جاتپايتىن ادىستەرىنە دەگەن شاعىمدارى مەن وتىنىشتەرىنىڭ كوپتەپ ءتۇسۋى دالەل.