الماتى قالاسىنىڭ اۋماعىندا قۇتىرۋعا قارسى ۆاكسينالاۋ مەن ەحينوكوككوزعا قارسى گەلمينتسىزدەندىرۋ جۇرگىزىلۋدە.
جىل سايىنعى الدىن الۋ ءىس-شارالارى قالاداعى قولايلى ەپيزووتيالىق جاعدايدى ساقتاۋ، سونداي-اق اسا ءقاۋىپتى، ونىڭ ىشىندە، ادامدار مەن جانۋارلارعا ورتاق اۋرۋلاردىڭ تارالۋىن بولدىرماۋ ءۇشىن جۇرگىزىلەتىنىن الماتى قالاسى كاسىپكەرلىك جانە ينۆەستيسيالار باسقارماسىنىڭ شجق «قالالىق ۆەتەريناريالىق قىزمەتى» كمك-نىڭ باسپا ءسوز قىزمەتى حابارلايدى.
2022 جىلى 36 مىڭ يت پەن 8 مىڭ مىسىققا قۇتىرۋعا قارسى ۆاكسينا ەگۋ جوسپارلانىپ وتىر.
قۇتىرۋ – بۇل قۇتىرۋ ۆيرۋسى (Rabies virus) تۋدىراتىن تابيعي-وشاقتى ولىمگە اكەلىپ سوعاتىن اسا ءقاۋىپتى جۇقپالى اۋرۋ. اۋرۋ جانۋار قاۋىپ العان كەزدە، ونىڭ سىلەكەيى ارقىلى جۇعادى. سونان سوڭ نەرۆ جولدارى ارقىلى تارالا وتىرىپ، ۆيرۋس سىلەكەي بەزدەرىنە، مي قىرتىسىنىڭ جۇيكە جاسۋشالارىنا، گيپپوكامپقا، بۋلبار ورتالىعىنا جەتەدى دە، ولاردى زاقىمداي وتىرىپ، ولىمگە اكەلىپ سوعاتىن اۋىر بۇزۋشىلىقتاردى تۋدىرادى.
وسىعان بايلانىستى اتالعان اۋرۋدىڭ الدىن الۋ جۇمىسى قالا بيلىگىنىڭ ەرەكشە باقىلاۋىندا تۇر. سوڭعى وتىز التى جىل ىشىندە الماتى قالاسىنىڭ اۋماعىندا ادامداردىڭ قۇتىرۋ اۋرۋىن جۇقتىرعان جايتتارى انىقتالمادى، بۇل قۇتىرۋعا قارسى جۇرگىزىلگەن الدىن الۋ ءىس-شارالارىنىڭ تيىمدىلىگىن بىلدىرەدى.
سونداي-اق، بيىل ەحينوكوككوزعا قارسى توقسان سايىن 44 مىڭ ءۇي جانۋارىن (36 مىڭ يت پەن 8 مىڭ مىسىقتى) گەلمينتسىزدەندىرۋ جوسپارلانىپ وتىر.
ەحينوكوككوز – بۇل باۋىردا، وكپەدە نەمەسە باسقا دا ورگاندار مەن تەرىلەردە پارازيتتىك كيستالاردىڭ پايدا بولۋىمەن سيپاتتالاتىن سەستودوز توبىنىڭ گەلمينتوزى. قوزدىرۋشىسى Echinococcus granulosus ەحينوكوگىنىڭ وسەتىن، داميتىن جانە ادام ورگانيزمىندە ونداعان جىلدار بويى ءومىر سۇرەتىن ليچينكالىق كەزەڭى بولىپ تابىلادى، ول ءىشى سۇيىقتىققا تولعان دوڭگەلەك نەمەسە سوپاق كيستا تۇرىندە بولادى.
ينۆازيانىڭ نەگىزگى كوزى – يتتەر، سونداي-اق اۋىلشارۋاشىلىعى جانۋارلارى – شوشقالار، سيىرلار، جىلقىلار جانە تاعى باسقا جانۋارلار بولىپ تابىلادى. جەتىلگەن جۇمىرتقالار جانۋارلاردىڭ ناجىستەرىمەن بولىنەدى، ءسويتىپ ولاردىڭ جۇندەرى مەن قورشاعان ورتانى لاستايدى. ادامنىڭ اۋرۋدى جۇقتىرۋى اۋرۋ جانۋارمەن بايلانىستا بولعان كەزدە، ياعني جەمىستەر مەن شوپتەردى جيناۋ، گەلمينت كوزدەرىنىڭ جۇمىرتقالارىمەن لاستانعان سۋدى پايدالانۋ كەزىندە بولادى.
الماتى تۇرعىندارىنا ىڭعايلى بولۋ ءۇشىن ۆەتەرينارلىق قىزمەت اۋلالىق اينالىم اياسىندا قۇتىرماعا قارسى ەكپە جانە ەحينوكوككوزعا قارسى دەگەلمينتيزاسيا جۇمىستارىن تەگىن جۇرگىزۋدە.