ىشكى ىستەر ءمينيسترى مارات احمەتجانوۆ ساموكاتتاردىڭ جۇرىسىنە قاتىستى پىكىر ءبىلدىردى، دەپ حابارلايدى Almaty-akshamy.kz  Azattyq Ruhۋ-نا سىلتەمە جاساپ.

«جول قوزعالىسىنداعى جاياۋ جۇرگىنشىلەر مەن موپەد پەن ساموكات جۇرگىزۋشىلەرىنىڭ قاۋىپسىزدىگى ءۇشىن نورماتيۆتىك اكتىلەر قابىلدانىپ جاتىر. قازاقستاننىڭ ينفراقۇرىلىمى ۆەلوسيپەد جولاعىنا 500 شاقىرىم عانا بەرۋگە ارنالعان. سوندىقتان دا ساموكاتتاردى جولدىڭ وڭ جولاعىمەن 18-گە تولعان، جۇرگىزۋشى كۋالىگى بار، قورعاۋ شلەمى بار جۇرگىزۋشىلەر ايداي الادى. قالعان جەرلەردە، مىسالى، تروتۋاردا جۇرەتىن بولسا، باسىمدىق جاياۋ جولاۋشىلارعا بەرىلەدى. بيىل 1 قاڭتاردان باستاپ ساموكات جۇرگىزۋشىلەرىنىڭ قاتىسۋىمەن 44 وقيعا تىركەلدى. بىلتىر 1 ادام قايتىس بولدى. وسىنداي ستاتيستيكا بار»، - دەدى ىشكى ىستەر ءمينيسترى.

مينيستر زاڭ جوباسىن دەپۋتاتتار ۇسىنىپ وتىرعانىن ايتتى.

«زاڭ قابىلدانسىن. سوسىن ونى ۇسىنعان ءبىر توپ دەپۋتات ول تۋرالى تولىق مالىمەت بەرەدى»، - دەدى ول.

ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى قارالىپ جاتىر.