التىن قۇيمالاردىڭ جالپى سالماعى 1،434 كەلى.
شىمكەنتتە التىن قۇيمالارى كونترابانداسىنىڭ جولى كەسىلدى، دەپ حابارلايدى Almaty-akshamy.kz Azattyq Rýhy-نا سىلتەمە جاساپ.
2023 جىلعى 4 مامىردا استانا ۋاقىتى بويىنشا ساعات 18:10 شاماسىندا «اۋەجاي-شىمكەنت» كەدەن بەكەتىنىڭ ماماندارى شىمكەنت-ستامبۋل حالىقارالىق اۋە رەيسىنە قاتىستى كەدەندىك باقىلاۋدى جۇرگىزۋ كەزىندە ق ر ۇقك شەكارا قىزمەتى «شىمكەنت» شەكارالىق باقىلاۋ بولىمشەسىنىڭ (اۆياسيالىق) قىزمەتكەرلەرىمەن بىرلەسە، شىمكەنت قالاسى اۋەجايىنىڭ اۆياسيالىق قاۋىپسىزدىك قىزمەتىنىڭ كومەگىمەن قازاقستان رەسپۋبليكاسىنان زاڭسىز قىمبات مەتالدى اكەتۋدىڭ جولى كەسىلدى. وسىعان قاتىسى بار قازاقستان ازاماتى ۇستالدى.
1،434 كەلى تارتاتىن التىن قۇيمالاردىڭ ق ر ۇب رەسمي باعامى بويىنشا الدىن الا قۇنى 41 148 000 تەڭگەنى قۇرايدى.
ەۋرازيالىق ەكونوميكالىق كوميسسيا القاسىنىڭ 2015 جىلعى 21 ساۋىردەگى № 30 شەشىمىنە سايكەس قۇرامىندا باعالى مەتالدار بار باعالى مەتالدار مەن شيكىزات تاۋارلارىنا قاتىستى ەاەو كەدەندىك اۋماعىنا تاۋارلاردى اكەلۋدىڭ جانە ەاەو كەدەندىك اۋماعىنان اكەتۋدىڭ رۇقسات بەرۋ ءتارتىبى قولدانىلادى.
وسى قۇقىقبۇزۋشىلىق قازاقستان رەسپۋبليكاسى قىلمىستىق كودەكسىنىڭ 234-بابىنىڭ 1-بولىگى بويىنشا (ەكونوميكالىق كونتراباندا، اتاپ ايتقاندا ەۋرازيالىق ەكونوميكالىق وداقتىڭ كەدەندىك شەكاراسى ارقىلى ءىرى مولشەردە تاۋارلاردى نەمەسە وزگە دە زاتتاردى، ونىڭ ىشىندە كەدەندىك شەكارا ارقىلى وتكىزۋگە تىيىم سالىنعان نەمەسە شەكتەلگەن تاۋارلاردى، زاتتار مەن قۇندىلىقتاردى وتكىزۋ) اتك (كۋي) تىركەلدى.
وسى فاكت بويىنشا ماتەريالدار ق ر قما شىمكەنت قالاسى بويىنشا ەكونوميكالىق تەرگەۋ دەپارتامەنتىنە جولداندى.