شارا جانۋارلار قۇقىعىن قورعاۋعا ارنالعان.
الماتى اكىمدىگى جانۋارلار قۇقىعىن قورعاۋ ماقساتىندا بەيبىت ميتينگ وتكىزۋگە رۇقسات بەردى، دەپ حابارلايدى Almaty-akshamy.kz
"KARE-زابوتا" جانۋارلاردى قورعاۋ قورىنىڭ اقپاراتىنا سايكەس، 14 مامىردا "سارى-ارقا" كينوتەاترى ارتىنداعى الاڭدا بەيبىت جيىن وتەدى.
"ميتينگ وتكىزۋگە رۇقسات بەرىلىپ، قالالىق اكىمدىكپەن كەلىسىلگەن. بەيبىت جيىننىڭ ماقساتى – مىنا ماسەلەلەر بويىنشا قوعامدىق پىكىر ءبىلدىرۋ:
- جەرگىلىكتى اتقارۋشى ورگانداردىڭ جانۋارلارعا جاۋاپكەرشىلىكپەن قاراۋ تۋرالى زاڭ تالاپتارىن ورىنداماۋى جانە سابوتاج جاساۋى؛
- "ۇستاۋ-ستەريليزاسيا-ۆاكسيناسيا-قايتارۋ" باعدارلاماسىن ورىنداماۋ؛
- جانۋارلاردى ءولتىرۋدىڭ تيىمسىزدىگى، ەگەر نەگىزگى سەبەپتەر جويىلماسا، اتاپ ايتقاندا: ءۇي جانۋارلارىن جاۋاپسىز ۇستاۋ جانە ءوسىرۋ؛
- نقا بويىنشا رەسمي جۇمىس؛
- جانۋارلارعا جاۋاپكەرشىلىكپەن قاراۋ تۋرالى زاڭنامانىڭ تيىسىنشە ورىندالۋىنا قوعامدىق باقىلاۋ سالاسىنداعى ءوز وكىلەتىن جۇزەگە اسىرۋ بويىنشا قوعامدىق ينسپەكتورلار جۇمىسىنا كەدەرگىلەر؛
- ءىىم تاراپىنان جانۋارلارعا قاتىگەزدىك كورسەتۋ دەرەكتەرىنە ءتيىستى رەاكسيانىڭ بولماۋى؛
- يت تىستەپ العانى تۋرالى سەنىمسىز دەرەكتەر؛ ءبىلىم بەرۋ ۇيىمدارىندا، بۇقارالىق اقپارات قۇرالدارىندا (تەلەديدار/راديو/اقپاراتتىق رەسمي سايتتار)، بيلبوردتار مەن پلاكاتتاردا تانىستىرۋ باعدارلامالارىن وتكىزۋگە قويىلاتىن تالاپتار"، - دەدى ۇيىمداستىرۋشىلار جانە ەرىكتىلەر.
ميتينگكە ءۇي جانۋارلارىن الىپ بارۋعا بولادى، ءبىراق، جاڭا سەرۋەندەۋ ەرەجەلەرىنە سايكەس، يتتەرگە تۇمىلدىرىق كيگىزىلۋى كەرەك.
قالا اكىمدىگىنىڭ باسپا ءسوز قىزمەتى بۇل ميتينگىگە جەرگىلىكتى بيلىك كەلىسىم مەن رۇقسات بەرگەنىن راستادى.