تاسقىن ءقاۋپى كورشىلەس ەلدى دە اينالىپ وتپەدى. وتكەن دەمالىس كۇندەرى تولاسسىز جاڭبىر سالدارىنان وزبەكستاننىڭ سامارقان جانە قاشقاداريا وبلىستارىندا سەل ءجۇردى. اسىرەسە، تۋريستەر كوپ باراتىن شاحار سامارقاندا ورتالىق كوشەلەر سۋ استىندا قالدى. سالدارىنان كولىك قاتىناسى قيىنداعان. جاڭبىر سۋى جەكە ۇيلەردىڭ اۋلاسى مەن بىرنەشە كوپقاباتتى ءۇيدىڭ جەرتولەسىنە دە كىرگەن. تاعى بىرنەشە ايماقتا سۋ تاسقىنى بولۋ ءقاۋپى ساقتالىپ وتىر. بۇل تۋرالى «ۋزگيدرومەت» مەكەمەسىنىڭ باسشىسى شۇعىل حابارلاما جاسادى. سەل ءجۇرۋى مۇمكىن اۋماقتار قاتارىندا ناۋايى، جىزاق، سۇرحانداريا، نامانگان، فەرعانا مەن ءاندىجان وبلىستارى بار.
عايرات جۋرايەۆ، توتەنشە جاعدايلار مينيسترلىگىنىڭ دەپارتامەنت باستىعى:
تاۋلى ايماقتاردا تاسقىننىڭ الدىن الۋ ماقساتىندا 120 باقىلاۋ بەكەتى قۇرىلىپ، تاۋلىك بويى قىزمەت كورسەتۋگە كىرىستى. ەلدەگى 48 سۋ قويماسى مەن 11 ءىرى گيدروتەحنيكالىق نىسانداردىڭ توتەنشە جاعدايلارعا دايىندىعى پىسىقتالىپ جاتىر.