بۇل تۋرالى پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالاعان مەملەكەت باسشىسى قاسىم-جومارت توقايەۆ ايتتى.
«ازاماتتاردىڭ مۇددەسى مەن سۇرانىسى – قازاقستاننىڭ ەكونوميكالىق دامۋ ستراتەگياسىنىڭ وزەگى. ياعني، ادامنىڭ قاجەتتىلىگى ءاردايىم باستى نازاردا بولادى. سول ءۇشىن ءبىز شيكىزاتقا تاۋەلدى بولۋدان بىرتىندەپ ارىلۋىمىز قاجەت. بۇل جۇمىس تاباندى تۇردە جۇرگىزىلۋگە ءتيىس. ەلىمىزدە جىل سايىن 400 مىڭنان استام بالا دۇنيەگە كەلەدى. جىل سوڭىنا دەيىن حالقىمىزدىڭ سانى 20 ميلليونعا جەتەدى»، - دەدى قاسىم-جومارت توقايەۆ.
پرەزيدەنتتىڭ اتاپ وتۋىنشە، ءومىر ءسۇرۋ ۇزاقتىعى دا ارتىپ كەلە جاتىر. بىلتىر بۇل كورسەتكىش 74 جاستان استى. قازاقستان – الەمدەگى ەڭ جاس مەملەكەتتىڭ ءبىرى. ازاماتتارىمىزدىڭ ورتاشا جاسى – 32 جاس. تۇرعىنداردىڭ ۇشتەن ءبىرى – جاستار.
«ۇكىمەتتىڭ مىندەتى – قازىرگى دەموگرافيالىق احۋالدى ەلىمىزدىڭ باسەكەگە قابىلەتىن ارتتىرۋعا پايدالانۋ. ادال ازامات جانە تۇعىرلى تۇلعا بولۋدىڭ نەگىزى بالا كەزدەن قالىپتاسادى. سوندىقتان ءبىز جاس ۇرپاقتىڭ ءقاۋىپسىز ءارى الاڭسىز ءومىر ءسۇرۋىن قامتاماسىز ەتۋگە ءتيىسپىز»، - دەدى مەملەكەت باسشىسى.