جەتىسۋ اۋدانىنىڭ اكىمى گۇلنار كوكەبايەۆا ءۇش مەكتەپتىڭ قوسىمشا عيماراتتارىنىڭ قۇرىلىسىن جەكە ءوزى تەكسەرەدى. بۇل جۇمىستار بەلسەندى جۇرگىزىلىپ جاتىر، بۇل تۋرالى ول الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى almaty-akshamy.kz
وقۋشى ورنىنىڭ تاپشىلىعىن ازايتۋ ءۇشىن اۋداندا ءۇش مەكتەپتە 800 ورىنعا ارنالعان قوسىمشا قۇرىلىس جۇمىستارى جۇرگىزىلۋدە.
«قۇلاگەر ىقشام اۋدانىندا №148 مەكتەپتە 300 ورىندىق قوسىمشا قۇرىلىس اياقتالدى. قازىرگى ۋاقىتتا مەردىگەر ۇيىم وبەكتىنى تاپسىرۋ پروسەسىن جۇرگىزۋدە»، - دەپ باستادى ەسەبىن گۇلنار كوكەبايەۆا.
سونىمەن قاتار، بيىلعى ماۋسىمدا مەكتەپتەرگە قوسىمشا عيماراتتار سالۋ جۇمىستارى باستالعان بولاتىن:
– №103 مەكتەپكە قوسىمشا 200 ورىن
– №112 مەكتەپكە قوسىمشا 300 ورىن
اتالعان وبەكتىلەر بويىنشا جۇمىستى اياقتاۋ مەرزىمى – 2024 جىلدىڭ تامىزى.
گ.كوكەبايەۆا اياقتالعان نىساندار جايلى دا ەسەپ بەردى. وسى جىلدىڭ تامىز ايىندا № 101 مەكتەپكە 312 ورىندىق اكت زالىنىڭ قوسىمشا قۇرىلىسى اياقتالدى جانە بيىلعى قاراشا ايىنىڭ باسىندا №80 مەكتەپتى سەيسميكالىق كۇشەيتۋمەن كۇردەلى جوندەۋ اياقتالدى.
سونىمەن قاتار، اۋداندا «مەكتەپ اۆتوبۋسى» باعدارلاماسى جۇزەگە اسىرىلۋدا، ونىڭ اياسىندا 5 مەكتەپتىڭ 1722 وقۋشىسىنىڭ جايلى اۆتوبۋستارمەن قاتىناۋى قامتاماسىز ەتىلدى.
اينابۇلاق شاعىن اۋدانىنىڭ مەملەكەتتىك بالاباقشالارىندا ورىن تاپشىلىعىن ازايتۋ ماقساتىندا وتكەن جىلدىڭ مامىر ايىندا قولدانىستاعى قۇرىلىستى ءسۇرۋ ارقىلى 160 ورىندىق جاڭا بالاباقشانىڭ قۇرىلىس جۇمىستارى باستالدى. بۇگىنگى تاڭدا بالالار باقشاسىنىڭ قۇرىلىسى اياقتالدى جانە نىساندى تاپسىرۋ جۇمىستارى جۇرگىزىلىپ جاتىر.
قورىتىندىلاي كەلە، اۋدان اكىمى الماتى قالاسىن دامىتۋدىڭ 2025 جىلعا دەيىنگى باعدارلاماسى شەڭبەرىندە جىل سوڭىنا دەيىن بوتكين كوشەسى، 16 ءۇي مەكەنجايى بويىنشا جاستار كومۋنيتي-ورتالىعىن ىسكە قوسۋ جوسپارلانىپ وتىرعانىن حابارلادى.