قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىندە سالىقتىڭ، بيۋدجەتكە تولەنەتىن تولەمنىڭ ارتىق تولەنگەن سوماسىن قايتارۋ ءتارتىبى، سونداي-اق ارتىق تولەنگەن سومانى باسقا سالىقتاردان قارىزداردى وتەۋ ءتارتىبى بويىنشا تۇسىندىرمە بەردى.
سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ تولەنگەن سوماسىن قايتارۋ سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن سوماسى بولعان كەزدە جۇرگىزىلەدى.
سالىق كودەكسىنىڭ 101-بابىنىڭ 1-تارماعىنا سايكەس بيۋدجەتكە تولەنگەن (ءوندىرىپ الىنعان) سالىقتىڭ (قوسىلعان قۇن سالىعىن قوسپاعاندا)، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن (ءوندىرىپ الىنعان) سوماسى (ەسەپتەلگەن جانە قايتارىلعان سومانى شەگەرگەندە) اراسىنداعى وڭ ايىرما بولىپ تابىلادى سالىقتىڭ (قوسىلعان قۇن سالىعىن قوسپاعاندا)، بيۋدجەتكە تولەنەتىن تولەمنىڭ، ەسەپكە جاتقىزۋدى جانە (نەمەسە) قايتارۋدى جۇرگىزۋ كۇنىنە ءوسىمپۇلدىڭ وسى ءتۇرى بويىنشا ەسەپتەلگەن، ەسەپتەلگەن (مينۋس ازايتىلعان) سومالارمەن تولىقتىرىلادى.
سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن سوماسىن ەسەپكە جاتقىزۋدى جانە (نەمەسە) قايتارۋدى جۇرگىزۋگە ارنالعان سالىقتىق ءوتىنىش ق ر قارجى ءمينيسترىنىڭ 2018 جىلعى 12 اقپانداعى № 160 «سالىق وتىنىشتەرىنىڭ نىساندارىن بەكىتۋ تۋرالى» بۇيرىعىنا 15-قوسىمشاعا سايكەس نىسان بويىنشا جۇرگىزىلەدى. ءوتىنىش ەلەكتروندى تۇردە «سالىق تولەۋشىنىڭ كابينەتى» مكك web-قوسىمشاسى، «ەلەكتروندىق ۇكىمەت» (egov.kz) پورتال ارقىلى، سالىق ءاميانى (جەكە تۇلعالار ءۇشىن) – «E-salyq Azamat» ءموبيلدى قوسىمشاسى ارقىلى، «ازاماتتارعا ارنالعان ۇكىمەت» مەملەكەتتىك كورپوراسياسى» كەاق ارقىلى قاعاز تۇرىندە بەرىلەدى.
سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن سوماسىن قايتارۋ سالىق تولەۋشىنىڭ سالىق وتىنىشىندە كورسەتىلگەن بانكتىك شوتىنا سالىق بەرەشەگى بيۋدجەتكە بولماعان كەزدە مەملەكەتتىك كىرىستەر ورگانىندا سالىق ءوتىنىشى تىركەلگەن كۇننەن باستاپ بەس جۇمىس كۇنى ىشىندە جۇرگىزىلەدى.
سالىق بەرەشەگى بولعان كەزدە مەملەكەتتىك كىرىستەر ورگانى ەسەپكە جاتقىزۋعا سالىقتىق ءوتىنىش بەرمەي، سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن سوماسىن قولدا بار سالىق بەرەشەگىن وتەۋ ەسەبىنە ەسەپكە جاتقىزۋدى جۇرگىزەدى.
سالىق تولەۋشىنىڭ سالىقتىق ءوتىنىشىنسىز سالىقتىڭ، بيۋدجەتكە تولەنەتىن تولەمنىڭ، ءوسىمپۇلدىڭ ارتىق تولەنگەن سوماسىن ەسەپكە جاتقىزۋ ءبىرىنشى كەزەكتە ارتىق تولەنگەن سوما قالىپتاسقان سالىق جانە تولەم ءتۇرى بويىنشا ءوسىمپۇلدى وتەۋ ەسەبىنە، سودان كەيىن سالىقتار مەن تولەمدەردىڭ باسقا تۇرلەرى بويىنشا بەرەشەكتى وتەۋ ەسەبىنە؛ وسى جانە باسقا مەملەكەتتىك كىرىستەر ورگانداردا سالىقتار مەن تولەمدەردىڭ باسقا تۇرلەرى بويىنشا ءوسىمپۇلداردى وتەۋ ەسەبىنە جۇرگىزىلەدى.
ارتىق تولەنگەن سالىق، بيۋدجەتكە تولەنەتىن تولەم، ءوسىمپۇل سوماسىنىڭ قالدىعى كورسەتىلگەن ەسەپكە جاتقىزۋدى جۇرگىزگەننەن كەيىن قايتارىلۋعا جاتادى.
مەملەكەتتىك باجدىڭ تولەنگەن سوماسىن قايتارۋ ەرەكشەلىكتەرى
زاڭدى ماڭىزى بار ىس-ارەكەتتەر جاساعانى ءۇشىن، ونىڭ ىشىندە ۋاكىلەتتى مەملەكەتتىك ورگاندار نەمەسە لاۋازىمدى ادامدار قۇجاتتاردى (ولاردىڭ كوشىرمەلەرىن، تەلنۇسقالارىن) بەرۋمەن بايلانىستى بيۋدجەتكە تولەنەتىن تولەم مەملەكەتتىك باج بولىپ تابىلادى.
مەملەكەتتىك باج تولەۋشىلەر جانە ولار ەسەپتەگەن مەملەكەتتىك باج سومالارى تۋرالى اقپاراتتى ۋاكىلەتتى مەملەكەتتىك ورگاندار نەمەسە لاۋازىمدى ادامدار مەملەكەتتىك كىرىس ورگانىنا بەرەدى.
سالىق كودەكسىنىڭ 101-بابى 1-تارماعىنىڭ ءۇشىنشى ابزاسىنا سايكەس تولەنگەن سومالار، ونىڭ ىشىندە مەملەكەتتىك ءباج-تيىستى ۋاكىلەتتى مەملەكەتتىك ورگان ەلەكتروندىق بازا ارقىلى نەمەسە قاعاز تۇرىندە ونىڭ ىس-ارەكەتتەرىن جاساماۋ فاكتىسىن راستاعان جاعدايدا (ونىڭ ىشىندە سالىق تولەۋشىنىڭ ءتيىستى قۇجاتتاردى بەرگەنگە دەيىن ىس-ارەكەتتەر جاساۋدان باس تارتۋى ناتيجەسىندە) ارتىق تولەنگەن بولىپ تانىلادى.
سالىق كودەكسىنىڭ 108-بابىنىڭ 3-تارماعىنا سايكەس مەملەكەتتىك باجدىڭ ارتىق تولەنگەن سوماسىن قايتارۋدى مەملەكەتتىك كىرىستەر ورگانى سالىق تولەۋشى ۇسىنعان سالىقتىق ءوتىنىشتىڭ جانە قايتارۋدىڭ زاڭدىلىعىن راستايتىن ءتيىستى مەملەكەتتىك ورگاننىڭ قۇجاتىنىڭ نەگىزىندە جۇرگىزەدى.
پايداسىنا ءىس بويىنشا تاراپ بولىپ تابىلاتىن مەملەكەتتىك مەكەمەدەن مەملەكەتتىك باجدى ءوندىرىپ الۋ تۋرالى سوت شەشىمى وتكەن سالىق تولەۋشىگە مەملەكەتتىك باج سوماسىن قايتارۋدى مەملەكەتتىك كىرىستەر ورگانى سالىق تولەۋشى ۇسىنعان سالىق ءوتىنىشى جانە زاڭدى كۇشىنە ەنگەن سوت شەشىمى نەگىزىندە جۇرگىزەدى.
مەملەكەتتىك باجدىڭ ارتىق تولەنگەن سوماسىن قايتارۋدى مەملەكەتتىك كىرىستەر ورگانى قايتارۋعا سالىقتىق ءوتىنىش بەرىلگەن كۇننەن باستاپ بەس جۇمىس كۇنى ىشىندە جۇرگىزەدى.
بۇل رەتتە مەملەكەتتىك باجدىڭ ارتىق تولەنگەن سوماسىن قايتارۋعا ارنالعان قۇجاتتار مەملەكەتتىك باجدىڭ وسىنداي سوماسى بيۋدجەتكە تولەنگەن كۇننەن باستاپ ءۇش جىلدىق مەرزىم وتكەنگە دەيىن مەملەكەتتىك كىرىستەر ورگانىنا ۇسىنىلۋعا ءتيىس.
الۋ ءۇشىن مەملەكەتتىك باج تولەنەتىن زاڭدى ماڭىزى بار ىس-ارەكەتتەر مەن قۇجاتتاردى بەرۋدى ۋاكىلەتتى مەملەكەتتىك ورگاندار جۇرگىزەتىندىگىنە، سونداي-اق مەملەكەتتىك باجدى تولەگەن ادامدار زاڭدىق ماڭىزى بار باج جاساۋدان باس تارتقان جاعدايدا مەملەكەتتىك باجدى قايتارۋ ءۇشىن تولەم قۇجاتىندا تولەم تۋرالى ەگجەي-تەگجەيلى اقپارات كورسەتىلمەۋىنە بايلانىستى ىس-ارەكەتتەر نەمەسە قۇجاتتى الۋدان باستاپ وسى زاڭدى ماڭىزى بار ارەكەتتى جاسايتىن ورگانعا جۇگىنۋگە دەيىن، ۋاكىلەتتى مەملەكەتتىك ورگانداردان راستايتىن قۇجاتتاردى ۇسىنۋ تالاپ ەتىلەدى.
تالاپكەر تالاپ قويۋدان باس تارتقان، تالاپكەر ءوز تالاپتارىن ازايتقان، سوت بۇيرىعىنىڭ كۇشى جويىلعان جاعدايلاردا مەملەكەتتىك باج قايتارىلمايدى.