جەتىسۋ اۋداندىق پوليسياسىنىڭ مالىمەتىنشە، وقيعا تۇنگى ساعات بىردە سەيفۋللين داڭعىلى مەن اقپايەۆ كوشەسىنىڭ قيىلىسىندا بولعان.
ەكى ەر ادام بەيتانىس ازاماتتى جانجالداسىپ قالعانىنىڭ كەسىرىنەن ۇرىپ-سوققان.
«جابىرلەنۋشى شۇعىل تۇردە اۋرۋحاناعا جاتقىزىلدى، ونى باسىنان تاسپەن ۇرعان. شابۋىل جاساۋشىلاردىڭ جەكە باسى بىردەن انىقتالدى. ولار ۇستالىپ، ق ر قىجك-نىڭ 128-بابىنا سايكەس ۋاقىتشا ۇستاۋ يزولياتورىنا قامالدى. اتالعان دەرەككە قاتىستى قىلمىستىق ءىس ق ر قك-نىڭ 106-بابى 2-بولىگىندە كوزدەلگەن قىلمىس بەلگىلەرى بويىنشا تەرگەلىپ جاتىر. قىلمىستىق ءىس اياسىندا سوت-مەديسينالىق ساراپتاما تاعايىندالدى. وقيعانىڭ باسقا دا ءمان-جايى انىقتالىپ جاتىر»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.