ءقازىر ەلىمىزدە 6 ميلليون توننادان استام ءسۇت ساۋىلسا، ونىڭ 2 ميلليون تونناعا جۋىعى عانا وڭدەلەدى.
بۇل 30 پايىزعا دا جەتپەيدى. سوندىقتان پرەزيدەنت بيلىعى جولداۋدا وڭدەۋدى 70 پايىزعا جەتكىزۋدى تاپسىرعان بولاتىن. پارلامەنت ءماجىلىسىنىڭ دەپۋتتاتارى شىعىس قازاقستان وبلىسىندا كوشپەلى كەڭەس وتكىزىپ، وڭىردەگى وسى سالانىڭ ەڭبەككەرلەرىمەن كەزدەستى، دەپ حابارلايدى Almaty-akshamy.kz.
اۋىل شارۋاشىلىعى مينيسترلىگى ءقازىر ارنايى باعدارلاما ازىرلەپ جاتىر. سونىڭ اياسىندا جىل سايىن بۇل سالاعا 100 ميلليارد تەڭگە ءبولىنىپ، 65 ءسۇت ءوندىرۋ كەشەنىن سالۋ جوسپارلانعان. ال بيىلدان باستاپ «اۋىل اماناتى» باعدارلاماسى بويىنشا جەكە كاسىپكەرلەرگە بەرىلەتىن جەڭىلدەتىلگەن نەسيسەنىڭ سوماسى دا كوبەيدى.
«مىنا اۋىلداعى ۋاق-ۇساق فەرمالار بار عوي. سولارعا كەم دەگەندە جەكە باستا كاسىپكەر بولسا، 7-8 ميلليون تەڭگەگە دەيىن، ەگەر باستارى بىرىكسە 38-40 ميلليون عا دەيىن جاڭاعى نەسيە الۋعا بولادى، 2،5 پايىزبەن. ول وتە قولجەتىمدى. سونى تەك قانا جەرگىلىكتى اتقارۋشى ورگاندار ناقتى قولعا الىپ، جۇزەگە اسىرۋ كەرەك»، - دەيدى ق ر پارلامەنتى ءماجىلىسىنىڭ دەپۋتاتى سەرىك ەگىزبايەۆ.