الماتىدا «مەملەكەتتىك باعدارلامامەن پاتەر ساتامىن» دەپ جۇرتتى الداعان الاياق ۇستالدى

«قولجەتىمدى باسپانانى» جۇزەگە اسىرۋدى 31 جاستاعى ازامات ۇيىمداستىرعان.

ونى ناۋرىزباي اۋدانىنىڭ پوليسيا قىزمەتكەرلەرى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«31 جاستاعى ب. ەسىمدى ازامات، اقشا تابۋدىڭ جوسپارىن ويلاپ تاپقان. ول مەملەكەتتىك باعدارلاما بويىنشا پاتەرلەردى ساتۋ تۋرالى اقپارات تاراتقان. الدىن الا تولەم سوماسى قولجەتىمدى بولعان – 50-دەن 300 مىڭ تەڭگەگە دەيىن. ال، تيىسىنشە، قىمبات ەمەس باسپانانى العىسى كەلەتىندەر دە جەتكىلىكتى بولعان. ءبىراق اقشانى العاننان كەيىن "ىسكەر" ازامات بايلانىسقا شىعۋدى توقتاتقان. ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى كۇدىكتىنى انىقتادى جانە ۇستادى. اتالعان دەرەك ق ر قك-نىڭ 190-بابى 3-بولىگىنە (الاياقتىق) سايكەس قىلمىستىق ءىس قوزعالدى. تەرگەۋ بارىسىندا ۇستالعان ازاماتتىڭ وسىعان ۇقساس 10 ەپيزودقا قاتىستىلىعى انىقتالدى»، – دەدى ناۋرىزباي اۋداندىق پوليسيا باسقارماسىنىڭ باستىعى مۇحامەدالى سەيسەن ۇلى.

تەرگەۋ بارىسىندا كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. ول ۋاقىتشا ۇستاۋ يزولياتورىنا قامالدى.

«الدانعان ادامدار ودان دا كوپ بولۋى مۇمكىن. وسى ورايدا ازاماتتاردى وسى ادامنىڭ سۋرەتىنە مۇقيات قاراپ، ونى تانىعان جاعدايدا مىنا تەلەفوندار ارقىلى حابارلاسۋعا شاقىرامىز: 8-707-447-07-50؛ 8-701-707-77-10؛ 8-747-699-70-02»، – دەدى، م.سەيسەن ۇلى.