ەلەنا بلينوۆسكايا دەگەن رەسەيلىك بلوگەر «مارافوندار حانشايىمى» دەگەن اتپەن تانىمال.
وعان سالىق تولەۋدەن جالتاردى دەگەن ايىپ تاعىلدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
بلوگەردىڭ ۇستالعانىن رەسەي فەدەراسياسىنىڭ تەرگەۋ كوميتەتى راستادى. ۆەدومسۆتو دەرەگىنشە، ەلەنا بلينوۆسكايا اسا ءىرى مولشەردە سالىق تولەۋدەن جالتاردى، اسا ءىرى مولشەردەگى قارجىنى نەمەسە باسقا مۇلىكتى زاڭداستىردى (جىلىستاتتى) دەگەن كۇدىككە ىلىنگەن.
«ەلەنا بلينوۆسكايانى قۇقىق قورعاۋ ورگاندارىنىڭ قىزمەتكەرلەرى رەسەي فەدەراسياسىنىڭ شەكاراسىنان جالعا العان كولىگىمەن وتپەك بولعان كەزدە ۇستادى، سونىمەن بىرگە ونىڭ باسقا مەملەكەتكە ۇشۋ ءۇشىن اۋە بيلەتتەرى بولدى»، - دەپ حابارلادى كوميتەت.
كوميتەت مالىمەتىنشە، بلوگەر ەكى جىل ىشىندە ەل بيۋدجەتىنە 918 ميلليون رۋبل تولەۋى ءتيىس بولعان. الايدا ول بيزنەسىن "بولشەكتەۋ" ارقىلى سالىقتان جالتارىپ كەتكەن.
ءقازىر قۇقىق قورعاۋ ورگاندارى ءتىنتۋ جانە جاۋاپ الۋ جۇمىستارىن جۇرگىزۋدە. الەۋمەتتىك جەلى جازبالارىنا سۇيەنسەك، بلوگەرگە قاتىستى قىلمىستىق ءىس تۋرالى ءبىر كۇن بۇرىن بەلگىلى بولعان. سول كەزدە بلينوۆسكايا الماتىعا بيلەت ساتىپ العان.
الايدا وعان ۇستالاتىنى تۋرالى ەسكەرتۋ جاسالعاندىقتان، باعىتىن وزگەرتكەن. دەگەنمەن، بلوگەر بەلارۋس شەكاراسىنا جاقىن جەردە ۇستالدى.