ەلىمىز بولاشاقتا سۋدان تاپشىلىق كورۋى مۇمكىن.
ق ر ييدم قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى ازىمبەك پازىلبەك ۇلى ەلدە سۋ تۇتىنۋ مادەنيەتى قالىپتاسپاعانىن سىنعا الدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اۋىز سۋ تاپشىلىعى سەبەپتەرىنىڭ ءبىرى - سۋعا نەمقۇرايلى قاراۋ. مەملەكەت باسشىسى سۋ رەسۋرستارىن ۇتىمدى پايدالانۋ كوبىنەسە سۋ تۇتىنۋ مادەنيەتىنە بايلانىستى ەكەنىن ايتقان ەدى، وكىنىشكە وراي بىزدە ول مادەنيەت جوق. جەكە تۇتىنۋدا ءبىز ەۋروپا ەلدەرىنە قاراعاندا ءۇش ەسە كوپ سۋ جۇمسايمىز. قازاقستان - سۋ تاپشىلىعى بار مەملەكەت. سوندىقتان ەرتە جاستان باستاپ سۋعا دەگەن ۇقىپتىلىقتى قالىپتاستىرۋ قاجەت»، - دەدى سپيكەر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
سونىمەن قاتار، تاريفتەردى قالىپتاستىرۋداعى الەۋمەتتىك ءتاسىل سۋ ارنالارىن قارجىلاندىرۋدىڭ جەتىسپەۋشىلىگىنە جانە سۋمەن جابدىقتاۋ جۇيەلەرىنىڭ تەز توزۋىنا الىپ كەلەدى.
ءوز كەزەگىندە، بۇل سۋ ىسىرابىنىڭ ورىن الۋىن، اپاتتار سانىنىڭ ارتۋىن جانە سۋ ساپاسىنىڭ ناشارلاۋىن تۋعىزىپ وتىر.
«سۋ رەسۋرستارىن ۇنەمدەۋ ءۇشىن سۋمەن جابدىقتاۋ، سۋ بۇرۋ جۇيەلەرىنىڭ وندىرىستىك پروسەستەرىن اۆتوماتتاندىرۋ جوسپارلانۋدا. وسىلاي بۇكىل وندىرىستىك پروسەسستەردەگى سۋ رەسۋرستارىن ەسەپكە الۋدىڭ تولىق كەشەنىمەن قامتاماسىز ەتۋ كوزدەلۋدە. ول ءۇشىن سۋمەن جابدىقتاۋ، سۋ بۇرۋ جۇيەلەرىنىڭ گيدرومودەلىن جاساۋ ءۇشىن بارلىق وندىرىستىك ۋچاسكەلەردە سۋ ەسەپتەۋ قۇرالدارىن ورناتۋ قاجەت»، - دەدى ءا. پازىلبەك ۇلى.
اۆتوماتتاندىرۋ سۋ ارناسىنىڭ الداعى شىعىندارىن، سونداي-اق دامۋدىڭ وڭتايلى مودەلدەرىن قۇرۋ ارقىلى سۋمەن جابدىقتاۋ جانە سۋ بۇرۋ جۇيەلەرىن سالۋ مەن رەكونسترۋكسيالاۋعا باعىتتالعان مەملەكەتتىك بيۋدجەتتى وڭتايلاندىرۋعا مۇمكىندىك بەرەدى.
رەسپۋبليكالىق ماڭىزى بار قالالار مەن وبلىس ورتالىقتارىندا وسى جۇمىستاردى جۇرگىزۋ ءۇشىن بيۋدجەتتەن شامامەن 25 ملرد تەڭگە قاجەت.