بۇعان قوسا ءار كەشىككەن كۇنگە ءوسىمپۇل جازىلادى.
مەملەكەتتىك كىرىستەر دەپارتامەنتىنىڭ اقپاراتىنا سايكەس، كولىك سالىعىن تولەمەگەندەردىڭ ەسەپشوتى 26 مامىردان باستاپ بۇعاتتالادى، دەپ حابارلايدى Almaty-akshamy.kz
«ەسكەرتۋدى ەلەمەگەن تۇرعىنداردىڭ كولىگى تاركىلەنىپ، ەسەپشوتى بۇعاتتالادى. سالىق ۋاقىتىندا تولەنبەگەن جاعدايدا ءار كەشىككەن كۇنگە ءوسىمپۇل جازىلادى. بورىشكەرلەرگە بەرەشەگى تۋرالى حابارلاما جولدانادى. حابارلاما وتىز كۇندە ورىندالماسا، سالىق بۇيرىعى جولدانادى. 26 مامىردان باستاپ بەرەشەكتى ءماجبۇرلى ءوندىرىپ الۋ ءۇشىن جەكە سوت ورىنداۋشىلارعا بەرىلەدى. سالىق تولەمەي جۇرگەن 10 ادامنىڭ كولىك قۇرالى تاركىلەندى. ولار دەرەۋ قارىزىن وتەدى. كەيبىر بورىشكەر كولىگىنەن ايرىلعاندا نەمەسە ەسەپشوتى بۇعاتتالعان كەزدە عانا سالىق تولەۋگە جۇگىرە باستايدى»، - دەدى مەملەكەتتىك كىرىستەر دەپارتامەنتىنىڭ وكىلدەرى.
قارىزدى ءوندىرۋ ءۇشىن سوت ورىنداۋشىلار بورىشكەردى شەتەل اسىرماۋعا، كولىگىن ايىپپۇل تۇراعىنا اپارۋعا قۇقىلى. بانكتەگى ەسەپشوتتارىن بۇعاتتاپ، باسقا دا مۇلكىنە تىيىم سالادى.