اتىراۋدا جىل باسىنان بەرى 365 كاسىپكەردىڭ قۇقىعى بۇزىلعان.
مەملەكەتتىك كىرىس ورگاندارى 269 كاسىپكەردىڭ بانكتەگى شوتىن جابۋ تۋرالى زاڭسىز ۇيعارىم شىعارعان. بۇل تۋرالى Almaty-akshamy.kz «حابار24» ارناسىنا سىلتەمە جاساپ حابارلايدى.
وعان قوسا سالىق قىزمەتكەرلەرى تالاپ بويىنشا كەم-كەتىكتى جويعان 4 كاسىپكەردىڭ ەسەپشوتىن بىرنەشە كۇنگە دەيىن اشپاي، كاسىپ يەلەرىن ابىگەرگە سالعان. ولار مۇنىمەن قويماي، Wipon قوسىمشاسى ارقىلى كاسىپكەرلەردىڭ ۇستىنەن وزدەرى ارىز جازىپ، كەيىن ونى وزدەرى تەكسەرگەن.
بۇل ىسكە پروكۋرورلار ارالاسىپ، 36 كاسىپكەردەن زاڭسىز الىنعان 11 ملن تەڭگەنى يەلەرىنە قايتارىلدى.
«سالىق ورگانىنىڭ قىزمەتكەرلەرى ءوز تاراپىنان كاسىپكەرلەردەن انىقتالعان زاڭبۇزۋشىلىقتار تۋرالى حابارلاما جولداپ، ءوزى تەكسەرگەن. ناتيجەسىندە، پروكۋرورلىق قاداعالاۋ اكتىسى ەنگىزىلىپ، زاڭسىز 51 تەكسەرىستىڭ كۇشى جويىلدى. زاڭسىز تاجىريبە توقتاتىلدى. زاڭ بۇزعاندار قاتاڭ جاۋاپقا تارتىلدى»، – دەدى قالالىق پروكۋراتۋرانىڭ ءبولىم پروكۋرورى المات سۇيەۋوۆ.