كينوستۋديا ۇجىمىنا جاڭا باسشىنى مادەنيەت جانە سپورت ءمينيسترى اسحات ورالوۆ تانىستىردى.
مينيستر «قازاقفيلم» كينوستۋدياسىنىڭ جۇمىسىن ۇيلەستىرۋ ابىرويلى ءارى جاۋاپتى مىندەت ەكەنىن ايتتى، دەپ حابارلايدى Almaty-akshamy.kz.
ازامات ساتىبالدى ۇزاق ۋاقىت م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا ەڭبەك ەتتى. عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىن 3 جىل بويى باسقاردى. بۇگىنگى كۇنگە دەيىن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقارىپ كەلگەن.
اسحات ورالوۆ مينيسترلىك 2030 جىلعا قاراي جالپى كينوپروكاتتاعى وتاندىق فيلمدەردىڭ، ونىڭ ىشىندە انيماسيالىق فيلمدەردىڭ ۇلەسىن 35%-عا دەيىن ۇلعايتۋعا نيەتتى ەكەنىن مالىمدەدى. بۇل رەتتە پروكاتتاعى قازاق تىلىندەگى فيلمدەردىڭ ۇلەسىن 30%-عا دەيىن جەتكىزۋ كوزدەلىپ وتىر. مينيستر كينوستۋديانىڭ جاڭا باسشىسى مەن ۇجىمىنا ساتتىلىك تىلەپ، تابىستى جۇمىس اتقاراتىنىنا سەنىم ءبىلدىردى.
«وتاندىق كينوونەرىنىڭ «قارا شاڭىراعى» سانالاتىن قازاقفيلم اۋقىمدى جانە كۇردەلى وندىرىستىك ۇيىم. بىلتىر كينوستۋديا جانىنان "قازاقانيماسيا" شىعارماشىلىق بىرلەستىگى قۇرىلدى. مەملەكەت باسشىسىنىڭ كينوستۋديا جۇمىسىن جاڭعىرتۋ جونىندەگى تاپسىرماسىن جۇزەگە اسىرۋ اياسىندا 87 تەحنيكالىق جابدىق ساتىپ الىندى. الداعى ۋاقىتتا مودەرنيزاسيانىڭ 2 كەزەڭىن باستاۋ كەرەك»،- دەدى اسحات ورالوۆ.