مەملەكەتتىك كىرىستەر كوميتەتى ميكرو- جانە شاعىن بيزنەس سۋبەكتىلەرى بەرگەن باقىلاۋ-كاسسا ماشينالارىنىڭ فيسكالدىق چەكتەرى بويىنشا سىياقىلار تولەۋگە باعىتتالعان «Salyq كەشبەك» پيلوتتىق جوباسىنىڭ 2025 جىلعى 15 ناۋرىزدا قايتا باستالادى ، دەپ حابارلايدى aqshamnews.kz .
جوبانىڭ ءبىرىنشى كەزەڭى وڭ ناتيجە كورسەتتى:
- فيسكالدىق چەكتەر سانى ەكى ەسەگە ارتتى؛
- بۇل چەكتەر بويىنشا سومما 32%-عا ءوستى (2024 جىلعى 2 جارتىجىلدىق 2023 جىلعى 2 جارتىجىلدىقپەن سالىستىرعاندا).
جوبا سەمەي قالاسىندا، اباي وبلىسىندا جانە اقكول اۋدانىندا ىسكە اسىرىلدى. ەندى ەكىنشى كەزەڭدە جوبانىڭ جۇزەگە اسىرىلۋ اۋقىمى كەڭەيىپ، تومەندەگىدەي جاڭا اۋماقتاردى قامتيتىن بولادى:
- وسكەمەن قالاسى، شىعىس قازاقستان وبلىسى؛
- جەتىقارا اۋدانى، قوستاناي وبلىسى؛
- جاقسى اۋدانى، اقمولا وبلىسى؛
- ارشالى اۋدانى، اقمولا وبلىسى.
«Salyq كەشبەك» جوباسىنا قاتىسۋ ءۇشىن كەز كەلگەن ادامعا مۇمكىندىك بەرىلەدى. ول ءۇشىن:
- تاۋارلار مەن قىزمەتتەرگە اقى تولەگەندە (قولما-قول اقشامەن نەمەسە قولما-قول اقشاسىز تاسىلمەن) فيسكالدىق چەك الۋ قاجەت؛
- «Amian» ارنايى ءموبيلدى قوسىمشاسىندا چەكتىڭ شتريح-كودىن سكانەرلەپ، ساتىپ الۋ سوماسىنىڭ 2% مولشەرىندە سىياقى الۋعا بولادى.
سىياقىلار «IT Analytics» ج ش س وپەراتورى ارقىلى ەسەپتەلەدى. «Amian» ءموبيلدى قوسىمشاسىن App Store جانە Google Play دۇكەندەرىنەن تەگىن جۇكتەپ الۋعا بولادى.
مەملەكەتتىك كىرىستەر كوميتەتى كاسىپكەرلەردى باقىلاۋ-كاسسا ماشينالارىن بەلسەندى پايدالانۋعا جانە ءاربىر ساتىپ الۋشىعا فيسكالدىق چەكتەر بەرۋگە شاقىرادى. بۇل تۇتىنۋشى قۇقىعىن قورعاۋعا جانە مەملەكەتتىك باستامالاردى قولداۋعا ىقپال ەتەدى.