ەلەكتروندى نىساندا ۇسىنىلعان جاعدايدا سالىق ەسەپتىلىگىنىڭ ۇسىنۋ مەرزىمىن ۇزارتۋعا بولادى. ول ءۇشىن ءتيىستى حابارلامانى قاعاز نەمەسە ەلەكتروندى تۇردە تىركەلگەن جەرى بويىنشا مەملەكەتتىك كىرىستەر ورگانىنا جىبەرۋ قاجەت، دەپ حابارلايدى اlmaty-akshamy.kz ق ر قم مەملەكەتتىك كىرىستەر كوميتەتىنە سىلتەمە جاساپ.
مەملەكەت باسشىسىنىڭ «توتەنشە جاعدايدى ەنگىزۋ تۋرالى» 2022 جىلعى 5 قاڭتارداعى №732 جارلىعىنا سايكەس، قازاقستان رەسپۋبليكاسىندا
2022 جىلعى 5 قاڭتاردان باستاپ 19 قاڭتارعا دەيىن توتەنشە جاعداي رەجيمى ەنگىزىلۋىنە بايلانىستى ينتەرنەتتىڭ دۇنيەجۇزىلىك كومپيۋتەرلىك جەلىسىنە قولجەتىمدىلىك شەكتەلگەن.
وسىعان بايلانىستى سالىقتىق ەسەپتىلىگىن ەلەكتروندى تۇردە ۇسىنۋ مۇمكىندىگى شەكتەۋلى.
«سالىق كودەكسىنىڭ 212-بابىنا سايكەس سالىق تولەۋشىلەر تاۋارلاردى اكەلۋ جانە جاناما سالىقتاردى تولەۋ تۋرالى ءوتىنىشتى قوسپاعاندا، سالىقتىق ەسەپتىلىكتى ەلەكتروندى نىساندا ۇسىنعان جاعدايدا ونى ۇسىنۋ مەرزىمىن ۇزارتۋعا قۇقىلى»، - دەيدى مەملەكەتتىك كىرىستەر كوميتەتى.
سالىقتىق ەسەپتىلىكتى ۇسىنۋ مەرزىمىن ۇزارتۋ ءۇشىن تىركەۋ ەسەبىنە قويىلعان جەرى بويىنشا مەملەكەتتىك كىرىستەر ورگانىنا ۋاكىلەتتى ورگان بەلگىلەگەن نىسانعا بايلانىستى، ونىڭ ىشىندە «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى سالىقتىق ەسەپتىلىكتى ۇسىنۋ ءۇشىن سالىق كودەكسىنىڭ بەلگىلەنگەن مەرزىم وتكەنگە دەيىن حابارلاما قاعاز جەتكىزگىشتە نەمەسە ەلەكتروندىق نىساندا جىبەرىلۋى قاجەت.
حابارلامانى ەلەكتروندى تۇردە مەملەكەتتىك كىرىستەر كوميتەتىنىڭ «سالىق تولەۋشىلەر كابينەتى» web-قوسىمشاسى، «ەلەكتروندىق ۇكىمەت» پورتالى (egov.kz) ارقىلى جىبەرۋگە بولادى.
كورپوراتيۆتىك تابىس سالىعى بويىنشا اۆانستىق تولەمدەر سومالارىنىڭ ەسەپ-قيسابىن قوسپاعاندا، سالىقتىق ەسەپتىلىكتى ۇسىنۋ مەرزىمى:
- كورپوراتيۆتىك تابىس سالىعى نەمەسە جەكە تابىس سالىعى بويىنشا دەكلاراسيانى تاپسىرۋ ءۇشىن بەلگىلەنگەن مەرزىمنەن باستاپ كۇنتىزبەلىك وتىز كۇننەن اسپايتىن؛
- سالىقتاردىڭ، بيۋدجەتكە تولەنەتىن تولەمدەردىڭ، الەۋمەتتىك تولەمدەردىڭ وزگە دە تۇرلەرى بويىنشا دەكلاراسيانى جانە (نەمەسە) ەسەپ-قيساپتى ۇسىنۋ ءۇشىن بەلگىلەنگەن مەرزىمنەن باستاپ كۇنتىزبەلىك ون بەس كۇننەن اسپايتىن؛
- تاۋەكەلدەردى باسقارۋ جۇيەسى بويىنشا تاۋەكەلدەر دەڭگەيى تومەن سالىق تولەۋشىلەر ءۇشىن سالىقتاردىڭ، بيۋدجەتكە تولەنەتىن تولەمدەردىڭ، الەۋمەتتىك تولەمدەردىڭ وزگە دە تۇرلەرى بويىنشا دەكلاراسيانى تاپسىرۋ ءۇشىن بەلگىلەنگەن مەرزىمنەن باستاپ كۇنتىزبەلىك وتىز كۇننەن اسپايتىن كەزەڭگە ۇزارتىلادى.
تيىسىنشە، قاڭتاردا تاپسىرىلۋى ءتيىس 101.01 جانە 328.00 نىساندارى بويىنشا سالىقتىق ەسەپتىلىگىن ۇسىنۋ مەرزىمى ۇزارتىلمايدى.
ارناۋلى سالىق رەجيمىن قولداناتىن دارا كاسىپكەردى قوسپاعاندا، سالىقتىق ەسەپتىلىكتى ۇسىنۋ مەرزىمى تاۋەكەلدەردى باسقارۋ جۇيەسى بويىنشا تاۋەكەل دەڭگەيى جوعارى سالىق تولەۋشىگە قاتىستى ۇزارتىلمايدى.
تيىسىنشە، تاۋەكەلدەردى باسقارۋ جۇيەسىنە سايكەس تاۋەكەلدىڭ جوعارى دەڭگەيى بار، زاڭدى تۇلعالارعا، سونداي-اق جالپىعا بىردەي بەلگىلەنگەن ءتارتىپتى قولداناتىن دارا كاسىپكەرلەرگە سالىقتىق ەسەپتىلىكتى تاپسىرۋ مەرزىمى ۇزارتىلمايدى.
مىسالى، «جەكە تابىس سالىعى جانە الەۋمەتتىك سالىق بويىنشا دەكلاراسيا» 200.00-نىسان بويىنشا 2021 جىلعى 4-توقسانعا سالىقتىق ەسەپتىلىگىن تابىس ەتۋ مەرزىمى 2022 جىلدىڭ 15 اقپانىندا اياقتالادى.
بۇل مىسالدا ەگەر تاۋەكەلدەر دەڭگەيى:
ورتاشا بولسا – سالىق تولەۋشىلەردىڭ بارلىق ساناتتارى ءۇشىن؛
جوعارى بولسا – ارناۋلى سالىق رەجيمىن قولداناتىن دارا كاسىپكەرلەرگە 200.00-نىسان بويىنشا سالىق ەسەپتىلىگىن ۇسىنۋ مەرزىمى بەلگىلەنگەن مەرزىمنەن باستاپ كۇنتىزبەلىك 15 كۇننەن اسپايتىن كەزەڭگە ۇزارتىلادى.
سايكەسىنشە، دەكلاراسيانىڭ ۇسىنۋ مەرزىمى ۇزارتىلعان جاعدايدا، دەكلاراسيانى 2022 جىلدىڭ 2 ناۋرىزىنان كەشىكتىرمەي تاپسىرۋ قاجەت.
بۇل رەتتە ەگەر تاۋەكەلدەر دەڭگەيى تومەن بولسا، وندا دەكلاراسيانى تاپسىرۋ مەرزىمى كۇنتىزبەلىك 30 كۇننەن اسپايتىن كەزەڭگە ۇزارتىلادى، ياعني مەرزىمىن ۇزارتقان سالىق تولەۋشىلەر 2022 جىلدىڭ 17 ناۋرىزىنان كەشىكتىرمەي تاپسىرۋى كەرەك.
ەكىنشى مىسال، 2021 جىلدىڭ ەكىنشى جارتىجىلدىعى ءۇشىن 910.00 نىسانداعى وڭايلاتىلعان دەكلاراسيانى تاپسىرۋ مەرزىمى 2022 جىلدىڭ 15 اقپانىندا اياقتالادى. دەكلاراسيانى تاپسىرۋ مەرزىمى 200.00-نىسانداعى سالىق ەسەپتىلىگىندەي ۇزارتىلادى.