وبلىس اۋماعىندا ەپيداحۋال كۇردەلى.
الماتى وبلىسىندا ەپيدەميولوگيالىق جاعدايدىڭ ۋشىعۋىنا بايلانىستى جاڭا قاۋلى جاريالاندى، دەپ حابارلايدى Almaty-akshamy.kz
«Ashyq» جوباسىنا قاتىسۋىنا قاراماستان، تومەندەگى شارالاردى وتكىزۋگە تىيىم سالىنادى.
- كونسەرت زالدارىنىڭ، سيركتەردىڭ، فيلارمونيالاردىڭ قىزمەتىنە؛
- ءدىني بىرلەستىكتەر وبەكتىلەرىندە (مەشىتتەر، شىركەۋلەر، سوبورلار، سيناگوگالار جانە ت.ب.) ۇجىمدىق ءىس-شارالار وتكىزۋگە (جۇما نامازى، ءدىني جورالار جانە ت.ب.)؛
- كونفەرەنسيالار، سەمينارلار، كورمەلەر، فورۋمدار وتكىزۋگە؛
- تۇنگى كلۋبتاردىڭ قىزمەتىنە؛
- قوعامدىق تاماقتانۋ وبەكتىلەرىندەگى بار تىرەۋلەردە قىزمەت كورسەتۋ، ءان ايتۋ جانە بي بويىنشا قىزمەتتەر كورسەتۋمەن كاراوكە قىزمەتى (قوعامدىق تاماقتانۋ بويىنشا قىزمەتتەردى قوسپاعاندا)؛
- «Ashyq» جوباسىنا قاتىسۋشى وبەكتىلەردە 30 ادامعا دەيىن ەسكە الۋدى وتكىزۋدى قوسپاعاندا، سالتاناتتى، بۇقارالىق (بانكەتتەر، ۇيلەنۋ تويلارى، مەرەيتويلار، اۋىزاشار، كورپوراتيۆتەر جانە ت.ب.)، اشىق اۋادا جانە جابىق جايلاردا ويىن-ساۋىق ءىس-شارالارىن ۇيىمداستىرۋ، وتكىزۋ جانە قاتىسۋعا بولمايدى؛ 2) كينوتەاترلاردىڭ («Ashyq» جوباسىنا قاتىسۋشىلاردىڭ) تولىمدىلىعى 30% اسپاۋى ءتيىس؛
«600-دەن استام وقۋشىلار وقيتىن مەكتەپتەر – قاشىقتىقتان وقىتۋ فورماتىنا اۋىستىرىلسىن. جوو-ى، ارنايى ورتا ءبىلىم بەرۋ وبەكتىلەرى ارالاس وقىتۋ فورماتىنا اۋىستىرىلسىن. بارلىق دارىستەر ونلاين، پراكتيكالىق، زەرتحانالىق ساباقتار ىڭعايلاستىرىلعان كەستە بويىنشا، سەمينارلىق ساباقتار شتاتتىق رەجيمدە وتەدى. مەكتەپكە دەيىنگى ءبىلىم بەرۋ – اتا-انالاردىڭ (زاڭدى وكىلدەرىنىڭ) جازباشا كەلىسىمىمەن وقىتۋدىڭ شتاتتىق فورماتى بولۋى كەرەك. قوسىمشا ءبىلىم بەرۋ ۇيىمدارىندا - جەكە ساباقتار شتاتتىق رەجيمدە، توپتىق - 10 ادامعا دەيىن، بالالار/ەرەسەكتەرگە ارنالعان تۇزەتۋ ورتالىقتارىندا – جەكە جانە توپتىق ساباقتار 10 ادامعا دەيىن شتاتتىق رەجيمدە وتكىزىلۋى كەرەك»،- دەلىنگەن الماتى وبلىسىنىڭ باس مەملەكەتتىك سانيتارلىق دارىگەرى ورىنباسارىنىڭ 2022 جىلعى 14 قاڭتارداعى №1 قاۋلىسىندا.
قاۋلى الماتى وبلىسىنىڭ اۋماعىندا COVID-19 كوروناۆيرۋستىق ينفەكسياسىنىڭ تارالۋى بويىنشا ەپيدەميولوگيالىق جاعدايدىڭ ناشارلاۋىنا بايلانىستى شىقتى. سونىمەن قاتار، قىزمەتكەرلەردە COVID-19-عا قارسى ۆاكسينالاۋ جانە ريەۆاكسينالاۋ جۇرگىزىلگەنىنە قاراماستان، مەملەكەتتىك ورگاندار، ۇيىمدار جانە كاسىپورىندار پەرسونالىنىڭ (تىرشىلىكتى قامتاماسىز ەتۋ وبەكتىلەرىنەن باسقا) كەمىندە 70%-ى قاشىقتىقتان جۇمىس نىسانىنا كوشۋى ءتيىس.
ايتا كەتەيىك، الماتى وبلىسىندا كوروناۆيرۋس جۇقتىرعانداردىڭ سانى كۇرت ءوستى. 13 قاڭتاردا 257 ادامنان اتالعان ىندەت انىقتالعان.