الەۋمەتتىك مەديسينالىق ساقتاندىرۋ قورى نۇر-سۇلتان قالاسى فيليالىنىڭ باسپا ءسوز قىزمەتى تاراتقان مالىمەتكە سايكەس، پتر-سىنامانى بارلىق ادام تەگىن تاپسىرا الادى، دەپ حابارلايدى almaty-akshamy.kz
الايدا كەيبىر جاعدايدا عانا ول مۇمكىن ەمەس.
ەگەر سۋىقتىڭ، تۇماۋدىڭ نەمەسە پنيەۆمونيانىڭ بەلگىلەرىن سەزسەڭىز، وندا پتر ادىسىمەن كوروناۆيرۋسقا تەست تاپسىرا الاسىز. مۇنى ەمحانانىڭ سۇزگى-كابينەتىنە جۇگىنۋ ارقىلى جاساۋعا بولادى. سونداي-اق باسقالارعا جۇقتىرۋ ءقاۋپىن توندىرمەۋ ءۇشىن ەمحانانىڭ تىركەۋ بولىمىنە نەمەسە انىقتاما بولىمىنە قوڭىراۋ شالىپ، ۇيگە ءموبيلدى توپ شاقىرۋعا بولادى. بۇل جاعدايدا زەرتتەۋ تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە اقىسىز جۇرگىزىلەدى. ويتكەنى بۇل اينالاداعىلار ءۇشىن ءقاۋىپ توندىرەتىن ينفەكسيالىق اۋرۋ. ول ءۇشىن ساقتاندىرىلعان بولۋ مىندەتتى ەمەس.
ودان بولەك، پتر-تەستىلەۋ كوروناۆيرۋس انىقتالعان پاسيەنتپەن بايلانىستا بولعان ادامدارعا جۇرگىزىلەدى. ونى سۇزگى كابينەتى ارقىلى بايلانىسۋعا نەمەسە ءموبيلدى توپتى ۇيگە شاقىرۋعا ارقىلى جۇزەگە اسىرۋعا بولادى.
شەتەلگە شىعۋعا مۇمكىندىك الۋ ءۇشىن پتر ازاماتتىڭ ءوز ەسەبىنەن تولەنەدى. سونداي-اق، ەگەر تەرىس پتر بار سەرتيفيكات قانداي دا ءبىر ۇيىمعا نەمەسە جۇمىس ورنىنا بارۋ ءۇشىن تالاپ ەتىلسە، وندا تەستىلەۋ ءوز قاراجاتى ەسەبىنەن نەمەسە جۇمىس بەرۋشىلەردىڭ كەلىسىمى بويىنشا تولەنەدى.
پتر-تەست تەگىن جۇرگىزىلەتىن جاعدايلار:
• مەديسينالىق كورسەتكىشتەر بويىنشا فيلتر كابينەتىنە جۇگىنگەن كەزدە جرۆي جانە ۆيرۋستىق پنيەۆمونيا بەلگىلەرى بولعان كەزدە؛
• كوروناۆيرۋستىق ينفەكسياعا كۇدىكتى ناۋقاس ءۇشىن ءموبيلدى توپتى ۇيگە شاقىرعان كەزدە؛
• جەدەل تەست ناتيجەسى وڭ بولعان جاعدايدا ستاسيونارعا شۇعىل ەمدەۋگە جاتقىزۋ كەزىندە؛
• جوسپارلى ەمدەۋگە جاتقىزۋعا نەمەسە اۋرۋحاناعا دەيىنگى تەكسەرۋگە جىبەرۋ كەزىندە؛
• جۇكتى ايەلدەرگە 37 اپتادان باستاپ بوسانۋعا ەمدەۋگە جاتقىزۋ ءۇشىن؛
• گەمودياليزدەگى پاسيەنتتەرگە تەگىن جاسالادى.