ەگەر ءسىز جاڭادان سالىناتىن ءۇي ساتىپ الۋدى ويلاساڭىز، EGov Mobile ءموبيلدى قوسىمشاسىندا ىسكە قوسىلعان جاڭا قىزمەت ارقىلى قۇرىلىس وبەكتىلەرىنىڭ زاڭدىلىعىن وڭاي تەكسەرە الاسىز، دەپ حابارلايدى aqshamnews.kz.
بۇل سەرۆيس اسىرەسە ۇلەسكەرلەر ءۇشىن وتە ءتيىمدى، ويتكەنى ولار ءۇي ساتىپ الۋدان بۇرىن ونىڭ زاڭدى قۇرىلىسقا رۇقساتى بار-جوعىن بىلە الادى.
قۇرىلىس وبەكتىلەرىنىڭ زاڭدىلىعىن تەكسەرۋ ءۇشىن تومەندەگى ءۇش قاراپايىم قادامدى ورىنداڭىز:
-
EGov Mobile قوسىمشاسىنا كىرىڭىز.
-
«باستى» بولىمىندە «باسقا قىزمەتتەر» باتىرماسىن باسىڭىز.
-
قىزمەتتەر تىزىمىنەن «تۇرعىن ءۇي پورتالىن» تاۋىپ، ونى تاڭداڭىز.
بۇل قادامداردان كەيىن ءسىز تۇرعىن ءۇي پورتالىنا وتەسىز. وبەكتىنى تەكسەرۋ ءۇشىن قۇرىلىس كومپانياسىنىڭ:
-
بسن/بين ءنومىرىن،
-
كومپانيا اتاۋىن نەمەسە
-
تۇرعىن ءۇي كەشەنىنىڭ اتاۋىن ەنگىزۋ قاجەت.
قازىرگى تاڭدا قازاقستاندا قۇرىلىسقا رۇقساتى جوق 181 وبەكت بار ەكەن. ونىڭ 100ء-ى الماتى قالاسىندا، 26-سى استانا قالاسىندا، ال شىمكەنت، اقتوبە جانە ماڭعىستاۋ وبلىستارىندا ءارقايسىسىندا 10 نىساننان بار.
سوندىقتان، ءۇي ساتىپ الماس بۇرىن ونىڭ زاڭدىلىعىنا نازار اۋدارىڭىز. قۇرىلىس رۇقساتى بار ۇيگە اقشا سالۋ ءسىزدىڭ بولاشاقتاعى قاتەلىكتەردەن قورعايدى.