قارجىلىق مونيتورينگ اگەنتتىگى زاڭسىز بەرىلگەن نەسيە سحەمالارىن انىقتاۋ بويىنشا جۇمىس جۇرگىزىپ جاتقانىن مالىمدەدى. الماتى قالاسى بويىنشا دەپارتامەنتى 6 ميكروقارجى ۇيىمىنىڭ زاڭسىز ارەكەتتەرىن اشكەرەلەدى، دەپ حابارلايدى aqshamnews.kz.
اتاپ ايتقاندا، Creditum مقۇ، Sofi Finance مقۇ، Hava Finance مقۇ، SF Offline مقۇ، POS Credit مقۇ جانە «سالەم كرەديت» مقۇ باسشىلىعىنا قاتىستى الاياقتىق جانە زاڭسىز كاسىپكەرلىك قىزمەت بويىنشا تەرگەۋ امالدارى جۇرگىزىلۋدە.
بۇل ميكروقارجى ۇيىمدارى تولەمدەرى كەشىكتىرىلگەن قارىز الۋشىلاردى «KOKE.KZ»، «TENGO.KZ»، «HAVA.KZ» پلاتفورمالارى ارقىلى سەرىكتەس كومپانيالارمەن كەپىلدىك شارتتارىن جاساۋعا ماجبۇرلەگەن. بۇل جاعدايدا كەپىل بەرۋشىنىڭ جاۋاپكەرشىلىگى تەك قارىز الۋشى قايتىس بولعان كەزدە عانا كۇشىنە ەنگەن. قارىز الۋشىلاردان باستاپقى نەسيە سوماسىنان بىرنەشە ەسە كوپ تولەمدەر الىنعان، بۇل ازاماتتاردى قارىزعا باتىرۋعا اكەپ سوققان.
مىسالى، ءبىر قارىز الۋشى ش. 120 مىڭ تەڭگە نەسيە الىپ، نەگىزگى قارىز بەن پايىزداردى قوسپاعاندا تەك كەپىلدىك ءۇشىن 446 مىڭ تەڭگە تولەگەن.
تەرگەۋ امالدارى جالعاسۋدا. ەگەر ءسىز وسى سياقتى زاڭسىز فاكتىلەر تۋرالى اقپارات بىلسەڭىز، «افم Insider» تەلەگرام-بوتىنا (@afm_insider_bot) حابارلاسا الاسىز. قارجىلىق مونيتورينگ اگەنتتىگى انونيمدىلىككە كەپىلدىك بەرەتىنىن مالىمدەدى.